চানমাৰিস্থিত অসম অভিযান্ত্ৰিক প্ৰতিষ্ঠান খেলপথাৰত অসম গ্ৰন্থমেলাৰ লাইখুঁটা স্থাপন
অসম প্রকাশন পৰিষদ আৰু সদৌ অসম পুথি প্রকাশক আৰু বিক্ৰেতা সংস্থাৰ যৌথ উদ্যোগত অহা ২৯ ডিচেম্বৰৰ পৰা ৯ জানুৱাৰী-২০২২-লৈকে গুৱাহাটীৰ চানমাৰিস্থিত অসম অভিযান্ত্ৰিক প্ৰতিষ্ঠান খেলপথাৰত অনুষ্ঠিত হ’ব লগীয়া অসম গ্ৰন্থমেলাৰ লাইখুঁটা স্থাপন আজি সম্পন্ন কৰা হয়।
আজি দুপৰীয়া অসম অভিযান্ত্ৰিক প্রতিষ্ঠান খেলপথাৰত আয়োজন কৰা এক মাংগলিক অনুষ্ঠানত লাইখুঁটা স্থাপন কৰে অসম প্রকাশন পৰিষদৰ উপাধ্যক্ষ সুমন্ত চলিহা আৰু বিশিষ্ট সাহিত্যিক-সাংবাদিক-সমালোচক ফণীন্দ্ৰ কুমাৰ দেৱচৌধুৰীয়ে৷
আজিৰ অনুষ্ঠানত বিশিষ্ট অতিথি হিচাপে অংশগ্ৰহণ কৰি অসম প্রকাশন পৰিষদৰ উপাধ্যক্ষ তথা বিশিষ্ট অভিধান প্রণেতা সুমন্ত চলিহাই অসম গ্ৰন্থমেলাই অসমৰ গ্ৰন্থ সংস্কৃতিৰ বাবে বহু নতুন দিশ উন্মোচন কৰিব বুলি উল্লেখ কৰে।
ভাষণ প্রসংগত চলিহাই অসম গ্ৰন্থমেলাৰ সফল সম৷পনৰ বাবে সকলো পক্ষৰে সহযোগিতা কামনা কৰে। আজিৰ অনুষ্ঠানৰ প্রাৰম্ভতে অসম প্রকাশন পৰিষদৰ সচিব প্ৰমোদ কলিতাই অসম গ্ৰন্থমেলাৰ আয়োজন সন্দৰ্ভত বিস্তৃত ব্যাখ্যা আগ বঢ়ায়।
প্ৰমোদ দাসে আঁত ধৰা আজিৰ অনুষ্ঠানত বিশিষ্ট অতিথি হিচাপে অংশগ্ৰহণ কৰি বিশিষ্ট সাহিত্যিক সাংবাদিক-সমালোচক ফণীন্দ্ৰ কুমাৰ দেৱচৌধুৰীয়ে কয় যে এই গ্ৰন্থমেলাই অসমৰ গ্ৰন্থ প্ৰকাশক বিক্ৰেতা তথা লেখকসকললৈ এক নতুন উদ্যম কঢ়িয়াই আনিব।
আজিৰ অনুষ্ঠানত সদৌ অসম পুথি প্রকাশক আৰু বিক্ৰেতা সংস্থাৰ সভাপতি ইমৰান আহমদ, সাধাৰণ সম্পাদক ধীৰাজ গোস্বামী, প্রকাশন পৰিষদৰ সদস্য ডঃ প্ৰশান্ত চক্ৰৱৰ্তীকে ধৰি বহুসংখ্যক গণ্য মান্য ব্যক্তি উপস্থিত থাকে।