টকিঅ’ অলিম্পিকৰ চেমি ফাইনেলত মৰণপণ যুঁজ দিও পৰাস্ত অসম কন্যা লাভলীনা
টকিঅ’ অলিম্পিকত অসম কন্যা লাভলীনা বৰগোঁহাইয়ে মৰণপণ যুঁজ দিও পৰাস্ত হ’ল।। আজি দিনৰ ১১ বজাত অনুষ্ঠিত ৬৯ কিলোগ্ৰাম শাখাৰ বক্সিঙৰ চেমিফাইনেলত লাভলীনাক পৰাস্ত কৰিলে তুৰস্কৰ বুছেনাজ চুৰমেনেলীয়ে ।
কোৱাৰ্টাৰ ফাইনেলৰ খেলখনত লাভলীনাই চাইনীজ টাইপে’ৰ নিয়েন চিন চেনক ৪-১ ব্যৱধানত পৰাজিত কৰি ছেমিফাইনেলত প্ৰৱেশ কৰিছিল।
লাভলীনা বৰগোঁহাইয়ে ৬৯ কেজি শাখাত সুন্দৰ প্ৰদৰ্শনেৰে টকিঅ’ত বক্সিঙৰ প্ৰথমটো পদক বিজয় নিশ্চিত কৰিছিল।
নিয়েন চিন চেন ২০১৮ৰ বিশ্ব বক্সিং চেম্পিয়ন আৰু ২০১৯ৰ এছিয়ান বক্সিং চেম্পিয়ন আছিল। লাভলীনাই এনে শক্তিশালী প্ৰতিদ্বন্দীক ৪টা ৰাউণ্ডৰ তিনিটাতে জয়লাভ কৰিছিল।
— Arpana Singh Rajput (@arpana_singh_) August 4, 2021
উল্লেখ্য যে যোৱা ২৭ জুলাইত অনুষ্ঠিত অলিম্পিকৰ প্ৰি-কোৱৰ্টাৰৰ খেলত জয়লাভ কৰি কোৱাৰ্টাৰ ফাইনেলত প্ৰৱেশ কৰিছিল অসম কন্যা বক্সাৰ লাভলীনা বৰগোঁহাইয়ে।
সিদিনা প্ৰথম ৰাউণ্ডত জাৰ্মানীৰ নাডাইন এপেট’জৰ বিৰুদ্ধে ৰক্ষণাত্মক আৰম্ভণিৰে লাভলীনাই দ্বিতীয় ৰাউণ্ডত সুযোগ অনুসৰি আক্ৰমণাত্মক হৈ উঠিছিল।
প্ৰথম ৰাউণ্ডত তিনিগৰাকী বিচাৰকে ভাৰতীয় বক্সাৰগৰাকীক পক্ষত ৰায় দিয়াৰ বিপৰীতে দুগৰাকী বিচাৰকে জাৰ্মান বক্সাৰগৰাকীৰ পক্ষত ৰায় দিছিল।
দ্বিতীয় ৰাউণ্ডতো একেই দৃশ্য পৰিলক্ষিত হৈছিল। তিনিগৰাকী বিচাৰকে লাভলীনাক আগুৱাই ৰাখিছিল আৰু সেইদৰে তৃতীয় ৰাউণ্ডতো ভাৰতীয় তাৰকা বক্সাৰগৰাকীৰ পক্ষত ৰায় দিছিল তিনিগৰাকী বিচাৰকে।
সকলো মিলি ৩-২ ব্যৱধানত প্ৰি-কোৱাৰ্টাৰৰ মেচখনত বিজয় সাৱ্যস্ত কৰিছিল লাভলীনাই।
প্ৰথমখন মেচত বাই লাভ কৰাৰ পাছত দ্বিতীয়খন মেচত জিকি কোৱাৰ্টাৰ ফাইনেল স্থান নিশ্চিত কৰিছিল লাভলীনাই।
ভাৰতৰ বাবে এতিয়া লাভলীনাই কঢ়িয়াই আনিব ব্ৰঞ্জৰ পদক।লাভলীনাই হৈছে অসিম্পিকত পদক জয় কৰা প্ৰথম অসমীয়া খেলুৱৈ।
ব্ৰঞ্জৰ পদক জয়ৰে অলিম্পিকৰ ইতিহাসত পদক লাভ কৰা তৃতীয়গৰাকী ভাৰতীয় বক্সাৰ হিচাপে পৰিগণিত হয়।
You may also like
পৰাজয়ৰ মুখৰ পৰা আৰ্জেন্টিনাক ৰক্ষা কৰিলে মেছিয়ে, ইজিপ্তক হৰুৱাই আৱেগিক হৈ পৰিল লিয়োনেল
কান্দিছে লিয়োনেল মেছিয়ে। এজনৰ পাছত আনজন সতীৰ্থক সাৱটি ধৰি তেওঁ কান্দিছে। চকুপানীয়ে যেন ৰোৱাৰ নামেই লোৱা নাই। খেল শেষ হোৱাৰ পোন্ধৰ মিনিট…
আফ্ৰিদিক সহায় কৰিবলৈ আহ্বান জনোৱা হৰভজন সিঙক তীব্ৰ সমালোচনা
ভাৰতীয় অফ স্পিনাৰ হৰভজন সিং আৰু পাকিস্তানৰ প্ৰাক্তন অলৰাউণ্ডাৰ চাহিদ আফ্ৰিদি ক্ৰিকেটৰ পথৰাত ঘোৰ বিৰোধী আছিল। কিন্তু আফ্ৰিদিৰ সেৱা মনোভাৱ দেখি হৰভজন…
দিপাৱলীৰ মাজতে গুৱাহাটীত ভয়ংকৰ অগ্নিকাণ্ড; ভস্মীভূত ৩টা ঘৰ
দীপাৱলীৰ আনন্দ-উল্লাসৰ মাজতে আজি সন্ধিয়া গুৱাহাটী মহানগৰীত এক ভয়ংকৰ অগ্নিকাণ্ড সংঘটিত হয়। মহানগৰীৰ ধীৰেনপাৰাত এই বিধ্বংসী অগ্নিকাণ্ডটো সংঘটিত হয় বুলি জানিব পৰা…
অপেক্ষাৰ অৱসান! কিংবদন্তি দ্ৰাবিড়ৰ পুত্ৰ এইবাৰ দেশৰ জাৰ্চিত; অষ্ট্ৰেলিয়াৰ বিৰুদ্ধে নিৰ্বাচিত ছমিত
দুৰ্দান্ত ক্ৰিকেট খেলাৰ বাবে স্কুল আৰু জুনিয়ৰ পৰ্যায়ত বাৰে বাৰে তেওঁৰ নাম চৰ্চালৈ আহিছে। কোৱা হৈছে ছমিত দ্ৰাবিড়ৰ কথা! উপাধিটোৱেই কয় যে…