১৯৩১ চনৰ লোকপিয়লতেই অসমীয়া জাতীয়তাবাদৰ উত্থান ঘটিছিল : অধ্যাপক চন্দন শৰ্মা

শিৱসাগৰ জিলাৰ জাঁজী হেম নাথ শৰ্মা মহাবিদ্যালয়ৰ প্ৰেক্ষাগৃহত আজি মহাবিদ্যালয়খনৰ প্ৰয়াত শিক্ষক-কৰ্মচাৰীৰ সোঁৱৰণত ‘লোকপিয়ল আৰু ঔপনিৱেশিক অসম’ শীৰ্ষক এক স্মাৰক বক্তৃতা অনুষ্ঠিত হয়।

ষষ্ঠ বাৰ্ষিক বক্তৃতানুষ্ঠানটোত অংশ গ্ৰহণ কৰি ডিব্ৰুগড় বিশ্ববিদ্যালয়ৰ ইতিহাস বিভাগৰ অধ্যাপক চন্দন শৰ্মাই কয় যে, লোকপিয়লৰ প্ৰভাৱতেই প্ৰাক আধুনিক কালৰ জনগাথঁনিক স্থিতি পৰৱৰ্তী সময়ত পৰিৱৰ্তন হোৱা লক্ষ্য কৰা দেখা যায়। প্ৰাক স্বাধীনতা কালৰ ১৮৭০, ১৯০১, ১৯৩১ আৰু ১৯৪১ এই চাৰিটা লোকপিয়লৰ সমীক্ষা দাঙি ধৰি ১৯৩১ চনৰ লোকপিয়লটোতেই অসমীয়া জাতীয়তাবাদৰ উত্থান ঘটিছিল বুলি তেওঁ মন্তব্য কৰে।

মহাবিদ্যালয়ৰ অধ্যক্ষ ড০ মানজিত গগৈৰ সঞ্চালনাত অনুষ্ঠিত স্মাৰক বক্তৃতাটো উদ্বোধন কৰে  শিৱসাগৰ মহাবিদ্যালয়ৰ অৱসৰপ্ৰাপ্ত অধ্যক্ষ ড০ প্ৰকাশ কটকীয়ে।

চাৰিং শ্বহীদ মণিৰাম দেৱান মহাবিদ্যালয়ৰ অৱসৰপ্ৰাপ্ত অধ্যক্ষ বিপুল বৰকটকীয়ে অনুষ্ঠানটোৰ শুভাৰম্ভ কৰে।

আজিৰ অনুষ্ঠানতেই অলপতে শিলচৰৰ অসম বিশ্ববিদ্যালয় পৰা পি.এইচ.ডি. লাভ কৰাৰ বাবে মহাবিদ্যালয়খনৰ ইংৰাজী বিভাগৰ সহযোগী অধ্যাপক ড০ আকাশজ্যোতি শইকীয়াক শিক্ষক গোটৰ তৰফৰ পৰা বিশেষভাৱে সম্বৰ্ধনা জনোৱা হয়।

তদুপৰি মহাবিদ্যালয়ৰ শৈক্ষিক দিশত ছাত্ৰ-ছাত্ৰীসকলৰ উদ্গনি জনোৱাৰ উদ্দেশ্য বিশিষ্ট ব্যক্তিসকলৰ নামত প্ৰদান কৰি অহা ন্যাস বঁটা সমূহ প্ৰদান কৰা হয়।