ভাৰতৰ মাটিত দুভৰিৰ যাদুকৰ : পুৱতি নিশা কলিকতাত উপস্থিত লিয়নেল মেছি

অপেক্ষাৰ অৱসান। শুক্ৰবাৰে পুৱতি নিশা কলিকতা মহানগৰীত ভৰি থলে ফুটবলৰ যাদুকৰ লিওনেল মেছিয়ে।

প্রায় শেষ নিশা মেছিক আদৰিবলৈ বিমানবন্দৰত হাজিৰ হয় অসংখ্য ফুটবল অনুৰাগী। আচলতে, মেছিৰ কলকাতা আহি পোৱাৰ কথা আছিল ডেৰ বজাত, কিন্তু নিৰ্ধাৰিত সময়তকৈ কিছু পলমকৈ তেওঁৰ বিমান নিশা ২ বাজি ২৬ মিনিটত কলকাতাত অৱতৰণ কৰে।

মেছিৰ আগমনক লৈ উৎসাহিত অনুৰাগীসকলে আগৰে পৰা ভাৰত আৰু আৰ্জেণ্টিনাৰ পতাকা লৈ বিমানবন্দৰৰ সন্মুখত ভিৰ কৰিছিল।

বিমানবন্দৰৰ পৰা ওলাই মেছি পোনে পোনে তেওঁৰ হোটেললৈ যায়। জানিব পৰা মতে, তেওঁক আদৰিবলৈ তাতো তেওঁৰ বহু অনুৰাগী উপস্থিত আছিল।

মেছিৰ উপৰিও, তেওঁৰ প্ৰিয় বন্ধু উৰুগুৱেৰ ফুটবলাৰ লুইছ চুৱাৰেজে আৰু আৰ্জেণ্টিনাৰ ফুটবলাৰ ৰড্ৰিগ’ ডে’পলেও কলকাতা ভ্ৰমণলৈ আহিছে।

শনিবাৰে পুৱা মেছি যুৱভাৰতী ক্ৰীড়াংগণত উপস্থিত হ’ব। তাত তেওঁক সৰু ল’ৰা-ছোৱালীৰ সৈতে সময় কটাব।

তাৰ আগতে অৱশ্যে, মেছিয়ে নিজে তেওঁৰ এটা পূৰ্ণাঙ্গ মূৰ্তি ভাৰ্ছুৱেলি উদ্বোধন কৰিব। ভিআইপি পথত স্থাপন কৰা এই মূৰ্তিটো ৭০ ফুট ওখ। উল্লেখ্য যে বিশ্বৰ ক’তো কোনো ফুটবলাৰৰ ইমান ওখ মূৰ্তি স্থাপন কৰা হোৱা নাই।

আজি দুপৰীয়া দুই বজাৰ পাছত মেছিয়ে কলিকতা এৰি হায়দৰাবাদলৈ যাত্ৰা কৰিব। তেওঁ ভাৰতত মুঠ তিনিদিন থাকিব। হায়দৰাবাদৰ পৰা তেওঁ দেওবাৰে মুম্বাইলৈ আৰু সোমবাৰে দিল্লীলৈ যাত্ৰা কৰিব।