‘সাহিত্য আৰু চলচ্চিত্ৰ’: গৰীয়সীৰ ৰূপালী জয়ন্তী অনুষ্ঠান, আহিব প্ৰসিদ্ধ চিনে’মা পৰিচালক বুদ্ধদেব দাশগুপ্ত
অনুষ্ঠানটোৰ প্ৰচাৰ ছবি। দৈনিক অসমৰ পৰা।
অসমীয়া সাহিত্য আলোচনী গৰীয়সীৰ ৰূপালী জয়ন্তী উপলক্ষে গুৱাহাটীত আয়োজিত এক বিশেষ অনুষ্ঠানত দেওবাৰে বক্তৃতা আগবঢ়াব প্ৰসিদ্ধ বাংলা কবি তথা চিনে’মা পৰিচালক বুদ্ধদেব দাশগুপ্তই।
“সাহিত্য আৰু চলচ্চিত্ৰ” শীৰ্ষক বক্তৃতাটো গুৱাহাটী টাউন ক্লাবত আবেলি ৪ বজাৰ পৰা অনুষ্ঠিত হ’ব।
সমকালীন সময়ৰ বাংলা চিনে’মাৰ জনাজাত পৰিচালকজনে উত্তৰা (২০০০ চন) আৰু স্বপ্নেৰ দিন (২০০৫ চন) চলচ্চিত্ৰৰ বাবে দুবাৰ শ্ৰেষ্ঠ পৰিচালকৰ ৰাষ্ট্ৰীয় বঁটা লাভ কৰিছিল। ভাৰতৰ উপৰি বিদেশৰ বহু চিনে’মা উৎসৱত প্ৰদৰ্শিত হোৱা দাশগুপ্তৰ ৫খন চিনে’মাই শ্ৰেষ্ঠ চিনে’মাৰ ৰাষ্ট্ৰীয় পুৰষ্কাৰ লাভ কৰিছিল।
কবি হিচাপেও জনাজাত দাশগুপ্তৰ এতিয়ালৈকে বহুকেইখন কাব্যও প্ৰকাশ পাইছে।
১৯৯৩ চনত চন্দ্ৰপ্ৰসাদ শইকীয়াৰ সম্পাদনাত ১ম প্ৰকাশ পোৱা গৰীয়সীৰ বৰ্তমান সম্পাদক লক্ষ্মীনন্দন বৰা।