HS result-2022: কলা শাখাত ৫ম স্থানত শুৱালকুছিৰ মধুস্মিতা; শিৱসাগৰৰ শলগুৰিৰ দেৱীস্তুতিৰ দশম স্থান
HS result-2022 আজি ঘোষণা কৰা উচ্চতৰ মাধ্যমিক শিক্ষান্ত পৰীক্ষাৰ ফলাফলৰ কলা শাখাত ৫ম স্থান দখল কৰি বস্ত্ৰ নগৰী শুৱালকুছিলৈ গৌৰৱ কঢ়িয়াই আনিছে পাঠশালাৰ আনন্দৰাম বৰুৱা একাডেমিৰ ছাত্ৰী মধুস্মিতা বেজবৰুৱাই ৷
শুৱালকুছি মাটি পৰ্বত নিবাসী শিক্ষক কৃষ্ণ কান্ত বেজবৰুৱা আৰু স্বাস্থ্যকৰ্মী লীনা বেজবৰুৱা জীয়ৰী মধুস্মিতা৷
ছাত্ৰী গৰাকীয়ে কলা শাখাত ৪৮০ লাভ কৰি ৯৬ % নম্বৰেৰে ৫ম স্থান দখল কৰে ৷ দৈনিক ৮ ৰ পৰা ১০ ঘণ্টা অধ্যয়ন কৰা এই মেধাৱী ছাত্ৰীগৰাকী ভৱিষ্যতে এগৰাকী প্ৰশাসনিক বিষয়া হোৱাৰ আশা পুহি ৰাখিছে।
আনহাতে, কলা শাখাত শিৱসাগৰ শলগুৰি উচ্চতৰ মাধ্যমিক বিদ্যালয়ৰ দেৱীস্তুতি হাজৰিকাই দশম স্থান লাভেৰে অঞ্চলটোলৈ গৌৰৱ কঢ়িয়াই আনিছে।
লগতে পঢ়ক: HS result-2022: উচ্চতৰ মাধ্যমিক শিক্ষান্ত পৰীক্ষাৰ বিজ্ঞান শাখাৰ প্ৰথম দহটা স্থানত কোন কোন?
চৰকাৰী অসমীয়া মাধ্যমৰ বিদ্যালয়ৰ ছাত্ৰী গৰাকীয়ে মুঠ ৪৭৩ নম্বৰ লাভ কৰি দশম স্থান অধিকাৰ কৰে।
শলগুৰিৰ মালবিকা হাজৰিকা আৰু পৰাণজ্যোতি হাজৰিকাৰ কন্যা দেৱীস্তুতি হাজৰিকা।
লগতে পঢ়ক:HS Result 2022: উচ্চতৰ মাধ্যমিক শিক্ষান্ত পৰীক্ষাৰ বাণিজ্য শাখাৰ প্ৰথম দহটা স্থানত কোন কোন?
চৰকাৰী বিদ্যালয়খনৰ এই ফলাফলত আনন্দৰ জোৱাৰ উঠিছে শলগুৰিত।