মুকলিকৈ বিক্ৰী কৰিব নোৱাৰিব মাংস আৰু কণী; মোহন চৰকাৰে ল’লে ডাঙৰ সিদ্ধান্ত
চৰকাৰৰ ডাঙৰ ঘোষণা। খোৱাৰ পাতত আৰু মাংস নাথাকিব, আনকি পুষ্টিৰ বাবে কণীও পোৱা নাযাব! নতুন চৰকাৰে শপত লোৱাৰ পাছতে মধ্যপ্ৰদেশৰ নতুন মুখ্যমন্ত্ৰী মোহন যাদৱে ডাঙৰ সিদ্ধান্তৰ কথা ঘোষণা কৰিলে।
বুধবাৰে মুখ্যমন্ত্ৰী হিচাপে শপত গ্ৰহণ কৰাৰ পিছত তেওঁ ইটোৰ পিছত সিটো ডাঙৰ ঘোষণা কৰে। মুখ্যমন্ত্ৰী মোহন যাদৱে ৰাজ্যৰ ধৰ্মীয় আৰু ৰাজহুৱা স্থানত মাইক্ৰ’ফোন ব্যৱহাৰ কৰাতো নিষেধাজ্ঞা আৰোপ কৰিছে।
মধ্যপ্ৰদেশৰ নতুন মুখ্যমন্ত্ৰী হিচাপে বুধবাৰে শপত গ্ৰহণ কৰে মোহন যাদৱে। প্ৰধানমন্ত্ৰী নৰেন্দ্ৰ মোডীৰ পৰা আৰম্ভ কৰি গৃহমন্ত্ৰী অমিত শ্বাহ, বিজেপিৰ সৰ্বভাৰতীয় সভাপতি জে পি নাড্ডা আৰু ১১খন বিজেপি শাসিত ৰাজ্যৰ মুখ্যমন্ত্ৰীসকল মঞ্চত উপস্থিত থাকে। মোহন যাদৱৰ সৈতে শপত গ্ৰহণ কৰে দুই উপ-মুখ্যমন্ত্ৰী জগদীশ দৌদা আৰু ৰাজেন্দ্ৰ শুক্লাই।
লগতে পঢ়কঃ প্ৰেমত ব্যৰ্থ হৈ যদি প্ৰেমিকে চৰম পন্থা গ্ৰহণ কৰে, তাৰ বাবে দায়ী নহয় প্ৰেমিকা; ক’লে উচ্চ ন্যায়ালয়ে
মোহন যাদৱে মুখ্যমন্ত্ৰী হিচাপে দায়িত্ব লোৱাৰ পিছত প্ৰথমখন কেবিনেট বৈঠকত বহিছিল। আৰু তাতেই তেওঁ এটা অতি গুৰুত্বপূৰ্ণ ঘোষণা কৰিলে।
তেওঁ জনায়, এতিয়াৰে পৰা মাংস আৰু কণী বিক্ৰীৰ ওপৰত নিষেধাজ্ঞা জাৰি কৰা হৈছে। কণী আৰু মাংস ৰাজহুৱাভাৱে বিক্ৰী কৰিব নোৱাৰিব। এই নিষেধাজ্ঞাৰ আঁৰৰ কাৰণো উল্লেখ কৰে মুখ্যমন্ত্ৰীয়ে। খাদ্য সুৰক্ষাৰ নিয়ম অনুসৰি এই সিদ্ধান্ত লোৱা হৈছে বুলি কয়।
मुख्यमंत्री डॉ.@DrMohanYadav51 की अध्यक्षता में हुई मंत्री परिषद की प्रथम बैठक में हुए महत्वपूर्ण निर्णय।
फूड सेफ्टी नियम लागू होने के बाद खुले में मांस-मछली की बिक्री पर भारत सरकार द्वारा दिशा-निर्देश जारी किए गए हैं। उनका कड़ाई से पालन किया जाएगा। pic.twitter.com/1YDOLZcfKt
— Chief Minister, MP (@CMMadhyaPradesh) December 13, 2023
এই পদক্ষেপেৰে ৰাইজৰ মাজত সজাগতা অভিযান চলোৱা হ’ব বুলিও মুখ্যমন্ত্ৰীয়ে কয়। তেতিয়াহে ৰাজ্য চৰকাৰৰ সিদ্ধান্ত কাৰ্যকৰী হ’ব। এই প্ৰচাৰ খাদ্য বিভাগৰ পৰা অনুষ্ঠিত হ’ব। সদ্যহতে ১৫ ডিচেম্বৰৰ পৰা ৩১ ডিচেম্বৰলৈ মাছ-মাংস মুকলিকৈ বিক্ৰী কৰা নিষেধাজ্ঞা বলবৎ কৰাৰ দায়িত্ব আৰক্ষী আৰু স্থানীয় প্ৰশাসনৰ দায়িত্বত থাকিব।
অযোধ্যালৈ তীৰ্থযাত্ৰীক আদৰণি জনোৱাৰ বাবেও নতুন মধ্যপ্ৰদেশ চৰকাৰে বিশেষ পদক্ষেপ গ্ৰহণ কৰিছে। তদুপৰি, তেণ্ডু পাত সংগ্ৰহ কৰা সকলক প্ৰতিটো বেগত ৪ হাজাৰ টকাকৈ দিয়াৰ সিদ্ধান্ত লোৱা হৈছে।