মণিপুৰ কাণ্ডক ৰাজস্থান বা পশ্চিমবংগৰ ধৰ্ষণ কাণ্ডৰ সৈতে তুলনা কৰি সাধাৰণীকৃত কৰিব নোৱাৰি – মুখ্য ন্যায়াধীশ
সোমবাৰে উচ্চতম ন্যায়ালয়ত মণিপুৰৰ নিৰ্যাতন তথা ধৰ্ষণ কাণ্ডৰ গোচৰৰ শুনানিৰ সময়ত অধিবক্তা বংশুৰি স্বৰাজে কয় যে বংগৰ পৰিস্থিতি মণিপুৰৰ দৰেই। কিন্তু কোনো ব্যৱস্থা গ্ৰহণ কৰা হোৱা নাই। পঞ্চায়ত নিৰ্বাচনৰ সময়ত পশ্চিম বংগত এগৰাকী মহিলাক উলংগ কৰি পেৰেড কৰা হৈছিল।
ইয়াৰ পিছতে মুখ্য ন্যায়াধীশ ডি ৱাই চন্দ্ৰচুদে কয় যে সমগ্ৰ দেশতে যে নাৰীৰ ওপৰত নিৰ্যাতন চলিছে, তাত কোনো সন্দেহ নাই। ই এক সামাজিক বাস্তৱ।
এই সম্পৰ্কে মুখ্য ন্যায়াধীশে পৰ্যবেক্ষণ কৰি কয় যে এটা কাণ্ডক আন এটা কাণ্ডৰ লগত তুলনা কৰিব নোৱাৰি। কিন্তু য’তেই এনে ঘটনা সংঘটিত হয়, সেয়া অন্যায় আৰু নিন্দনীয়।
মুখ্য ন্যায়াধীশগৰাকীয়ে কয়, মণিপুৰত যি ঘটিল, তাক আন ঠাইৰ লগত ঘটনাৰ লগত তুলনা কৰি ন্যায্যতা প্ৰদান কৰিব নোৱাৰি।’
উল্লেখ্য যে, সোমবাৰে উচ্চতম ন্যায়ালয়ৰ মুখ্য ন্যায়াধীশ ডি ৱাই চন্দ্ৰচুদ, ন্যায়াধীশ জে বি পাৰ্দিৱালা আৰু ন্যায়াধীশ মনোজ মিছৰাৰে মণিপুৰৰ ধৰ্ষণ কাণ্ডৰ শুনানি গ্ৰহণ কৰি আছিল। সেই সময়ত অধিবক্তা বংশুৰি স্বৰাজে কৈছিল, সেয়া পশ্চিমবংগই হওক বা ৰাজস্থানৰ বিকানেৰেই হওক, দেশৰ বিভিন্ন প্ৰান্তত নাৰীক অত্যাচাৰ কৰা হৈছে। সকলোৰে আইনী ব্যৱস্থা গ্ৰহণ কৰিব লাগিব। কেৱল মণিপুৰেই নহয়। সকলোৰে ন্যায় বিচাৰো।
লগতে পঢ়কঃ কটনত কোনে দেখুৱালে নাজী বাহিনীৰ প্ৰতীক, নাজী চেলুটেৰে নিজকে ফেচিষ্ট হিচাপে ঘোষণা একাংশ শিক্ষাৰ্থীৰ