বলিউড : ৰণবীৰ, ভাঞ্চালীৰ পাছতে অভিনেতা মনোজ বাজপেয়ীৰো ক’ভিড-১৯ পজিটিভ

বলিউডত ক’ভিড সন্ত্ৰাস পুনৰ আৰম্ভ হৈছে।

ৰণবীৰ কাপুৰ আৰু সঞ্জয় লীলা ভাঞ্চালীৰ পাছত আন এজন অভিনেতা এই মহামাৰীত আক্ৰান্ত হৈছে।

জনপ্ৰিয় অভিনেতা মনোজ বাজপেয়ীৰো কভিড-১৯ প’জিটিভ পোৱা গৈছে।

অভিনেতাজনৰ অন্তৰংগ মহলে শুকুৰবাৰে এই কথা জানিবলৈ দিছে।

অভিনেতাজনে ‘ডেচপাচ্চ’ নামৰ চিনেমাখনৰ শ্বুটিঙৰ কামত ব্যস্ত আছিল।

কিন্তু তেওঁৰ অনুপস্থিতিৰ বাবে চিনেমাৰ শ্বুটিং বন্ধ কৰা হৈছে।

অভিনেতাজন বৰ্তমান চিকিৎসাৰত আছে আৰু আৰোগ্য লাভ কৰিছে বুলি তেওঁৰ অন্তৰংগ মহলে জানিবলৈ দিছে।

তদুপৰি তেওঁ স্বাস্থ্যবিভাগৰ সকলো নিৰ্দেশ মানি ঘৰতে কোৱাৰেণ্টাইনত আছে।

উল্লেখযোগ্য যে তেওঁৰ অভিনীত ‘ডিচপেচ্চ’ নামৰ চিনেমাখনত অপৰাধ অনুসন্ধানকাৰী সাংবাদিকতাৰ জগতখনক উপস্থাপন কৰা হাছে।

আৰ.এছ.এভ.পি. ম’ভিজে প্ৰযোজনা কৰা ৰহস্যমূলক চিনেমাখন পৰিচালনা কৰিছে কানু বেহেলে।