২০২৬ চনৰ মাৰ্চ মাহত ভাৰতত নিঃশেষ হ’ব মাওবাদ : ঘোষণা অমিত শ্বাহৰ

চত্তীশগড়ৰ বাষ্টাৰত এক অনুষ্ঠানত অংশগ্ৰহণ কৰি কেন্দ্ৰীয় গৃহমন্ত্ৰী অমিত শ্বাহে মাওবাদী সদস্য সকলক অস্ত্ৰ-শস্ত্ৰ সম্বৰণ কৰি বুজাবুজিলৈ আাহিবলৈ আহ্বান জনাইছে।

অমিত শ্বাহে কয়, “মই সকলো জনজাতীয় ভাই-ভনীক ক’ব বিচাৰো যে আপোনালোকে আপোনালোকৰ অঞ্চলৰ যুৱক-যুৱতীসকলক অস্ত্ৰ-শস্ত্ৰ এৰি শান্তিৰ পথলৈ আহিবলৈ কওঁক। তেওঁলোকে অস্ত্ৰ এৰি মূলসুঁতিলৈ আহক আৰু আমাৰ উন্নয়নৰ যাত্ৰাৰ অংশীদাৰ হওঁক।

গৃহমন্ত্ৰীগৰাকীয়ে লগতে কয়, “মই আকৌ এবাৰ স্পষ্টকৈ ক’ব বিচাৰো যে নক্সাল আন্দোলনৰ দ্বাৰা প্ৰভাৱিত অঞ্চল সমূহৰ উন্নয়নৰ বাবে আমি অংগীকাৰবদ্ধ। গতিকে ইয়াত অন্য আলোচনাৰ প্ৰশ্নই নুঠে।”

অমিত শ্বাহে কয় যে যদি আপোনালোকে হাতত অস্ত্ৰ তুলি শান্তি বিঘ্নিত কৰিবলৈ চেষ্টা কৰে তেন্তে আমাৰ সশস্ত্ৰ বাহিনী, চি আৰ পি এফ, আৰু ছত্তীশগড় আৰক্ষীয়ে ইয়াৰ প্ৰত্যুত্তৰ দিব।

অমিত শ্বাহে শেষত কয় , “দুহেজাৰ ছাব্বিশ চনৰ ৩১ মাৰ্চ হৈছে এই দেশৰ ভূমিৰ পৰা নক্সালবাদক বিদায় দিয়াৰ নিৰ্দিষ্ট তাৰিখ।”