জুকাৰবাৰ্গৰ বেয়া দিন! ধনীৰ তালিকাত তেওঁক অতিক্ৰমি আগবাঢ়িল আদানি আৰু আম্বানি

মেটা-ৰ শ্বেয়াৰ বজাৰত এদিন  অভিলেখ সংখ্যক পতনৰ পাছত মাৰ্ক জুকাৰবাৰ্গৰ বৃহস্পতিবাৰে মুঠ সম্পদত ২৯ বিলিয়ন ডলাৰ লোকচান হয়। মেটাৰ ষ্টক ২৬শতাংশ হ্ৰাস পায়। কোনো আমেৰিকান কোম্পানীৰ বাবে এতিয়ালৈকে এদিনত পতন ঘটা এয়া হৈছে সৰ্বোচ্চ অভিলেখ।

 এই পতনৰ ফলত জুকাৰবাৰ্গৰ কোম্পানীৰ মাৰ্কেট কেপ ২০০ বিলিয়ন ডলাৰতকৈয়ো অধিক লোকচান ঘটে।

 ফ’ৰ্বছৰ মতে ইয়াৰ ফলত কোম্পানীটোৰ প্ৰতিষ্ঠাপক তথা মুখ্য কাৰ্যবাহী বিষয়া জুকাৰবাৰ্গৰ মুঠ সম্পত্তিৰ ৮৫ বিলিয়ন হৈছে। যাৰ বাবে ফ’ৰ্বছৰ বিশ্বৰ ধনীৰ তালিকাত জুকাৰবাৰ্গ ভাৰতৰ গৌতম আদানি আৰু মুকেশ আম্বানিতকৈয়ো তললৈ নামিল।

লগতে পঢ়ক: শ্বেৰমান আলীৰ সৈতে বিজেপিৰ গোপন বুজাবুজি আছে; ক’লে লুৰিনজ্যোতি গগৈয়ে

 ২৯ বিলিয়ন ডলাৰ লোকচান হোৱাৰ ফলত জুকাৰবাৰ্গ ফ’ৰ্বছৰ শীৰ্ষ ধনীৰ তালিকাত ভাৰতীয় ব্যৱসায়ী মুকেশ আম্বানি আৰু গৌতম আদানিতকৈ তলত ১২ নম্বৰ স্থান লাভ কৰিছে।

 গৌতম আদানি ফ’ৰ্বছৰ এই তালিকাত ১০ নম্বৰ স্থানলৈ উন্নীত হৈছে। এতিয়া তেওঁৰ মুঠ সম্পত্তিৰ পৰিমান হৈছে ৯০.৭বিলিয়ন ডলাৰ। মুকেশ আম্বানি ফ’ৰ্বছৰ তালিকাত ১১নম্বৰ স্থানত আছে। তেওঁৰ বৰ্তমান সমমুঠ সম্পত্তিৰ পৰিমান হৈছে ৮৯.২ বিলিয়ন ডলাৰ।