স্বমেহন : হঠাৎ দীৰ্ঘদিনীয়া অভ্যাস এৰি দিলেও হ’ব পাৰে বিপদ

জীৱনৰ সংগী নথকা অৱস্থাত বহু পুৰুষৰ হস্তমৈথুন বা স্বমেহনৰ অভ্যাস থাকে যদিও বহু পুৰুষে সংগী পোৱাৰ পিছত এই অভ্যাসটো পৰিত্যাগ কৰে। কিন্তু সংগীৰ হেঁচাতেই হওক বা ৰুচি সলনিৰ বাবেই হওক, যদিহে এই দীৰ্ঘদিনীয়া অভ্যাসটো হঠাতে বন্ধ হয়, তেন্তে যিকোনো মুহূৰ্ততে হতাশাই পুৰুষক আগুৰি ধৰিব পাৰে। গৱেষণায়ো তেনেকৈয়ে কয়।

পুৰুষক হস্তমৈথুনৰ নিচাৰ পৰা আঁতৰি আহিবলৈ বহুতো সংস্থাই অনলাইনত ইতিবাচক পৰামৰ্শ আগবঢ়ায়। কিন্তু কেলিফৰ্ণিয়া বিশ্ববিদ্যালয়ৰ গৱেষকৰ এটা দলে কয় যে যদি আপুনি এই অভ্যাসটো হঠাতে বন্ধ কৰি দিয়ে তেন্তে কেৱল ভাগৰেই নহয়, বিভিন্ন শাৰীৰিক সমস্যাও হ’ব পাৰে।

অধ্যয়নত অংশগ্ৰহণ কৰা ৫৮৭ জন পুৰুষৰ সকলোৱে গৱেষকসকলৰ কথাত একমত প্ৰকাশ কৰে। তেওঁলোকে কয় যে হঠাৎ হস্তমৈথুনৰ পুৰণি অভ্যাস এৰি দিয়াৰ পিছত তেওঁলোকৰ মন বেয়া লাগে। বহুতে আকৌ আত্মবিশ্বাসৰ অভাৱ অনুভৱ কৰে। আনকি, কিছুমানৰ আত্মহত্যাৰ প্ৰৱণতাও দেখা গৈছে গৱেষণাটোত। কেৱল সেয়াই নহয়, পিছলৈ তেওঁলোকে লিংগ শিথিলতাৰ দৰে সমস্যাৰ সন্মুখীন হ’বলগীয়া হৈছে।

হাৰ্ভাৰ্ড বিশ্ববিদ্যালয়ত কৰা আন এক অধ্যয়ন অনুসৰি মাহত কমেও ২১ বাৰ হস্তমৈথুন কৰা পুৰুষে প্ৰষ্টেট কেন্সাৰৰ সম্ভাৱনা বহু পৰিমাণে হ্ৰাস কৰিব পাৰে।

চিকিৎসকৰ মতে, কেৱল পুৰুষেই নহয়, মহিলাসকলেও মাজে মাজে স্বমেহনৰ অভ্যাস কৰি দৈনন্দিন ভাগৰ আৰু ক্লান্তিৰ উপশম ঘটাব লাগে। কাৰণ, স্বমেহন কৰিলে দুটা আনন্দবৰ্ধক হৰম’ন ‘অক্সিট’চিন’ আৰু ‘এণ্ড’ৰ্ফিন’ৰ নিঃসৰণ বৃদ্ধি পায়। এই দুই হৰম’নে মানসিক চাপমুক্ত কৰি ৰখাত সহায় কৰে।

কিন্তু কেৱল মানসিক ৰোগেই নহয়, এই অভ্যাস কেন্সাৰৰ দৰে মাৰাত্মক ৰোগ প্ৰতিৰোধ কৰিবলৈও সক্ষম। কিন্তু এই অধ্যয়নত মাহত কিমানবাৰ স্বমেহন কৰিব লাগে তাৰ কোনো বৈজ্ঞানিক ব্যাখ্যা নাই। অৱশ্যে অত্যধিক স্বমেহনেও মানসিক আৰু শাৰীৰিক স্বাস্থ্যৰ অৱনতি ঘটাব পাৰিব বুলি বিভিন্ন গৱেষণাই কয়।