টীয়কত আঞ্চলিক ভিত্তিত অনুষ্টুপীয়াকৈ মেডাম-মে-ফি উদযাপন

যোৰহাট জিলাৰ টীয়ক আঞ্চলিক সমিতিৰ উদ্যোগত টীয়কৰ চাউদাংগাঁৱৰ FRU ৰ সমীপৰ স্থায়ী মৈডাম প্ৰাংগণত অনুষ্টুপীয়াকৈ আজি মেডাম মে ফি অনুষ্ঠিত কৰা হৈছে।

প্ৰতি বছৰে ৩১ জানুৱাৰী দিনটোত সমগ্ৰ টাই আহোম জনগোষ্ঠীয়ে পূৰ্ব পুৰুষসকলক স্মৰণৰ অৰ্থে মেডাম মে ফি উদযাপন কৰে।

অৱশ্যে দেশৰ ক’ভিড পৰিস্থিতিৰ প্ৰতি লক্ষ্য ৰাখি কেৱল আধ্যাত্মিকতা ৰক্ষা কৰি পুৱা পতাকা উত্তোলন কৰে চাউদাংগাঁৱৰ গাঁও পৰিচালনা সমিতিৰ সভাপতি গণেশ গগৈয়ে।

মৈডামত তৰ্পণ কৰে জ্যেষ্ঠ ব্যক্তি লক্ষেশ্বৰ চুতীয়াই আৰু উক্ত কাৰ্যসূচীত গাঁওবুঢ়া ফণীধৰ গগৈকে প্ৰমুখ্যে কৰি কেইবাগৰাকীও বয়োজ্যেষ্ঠ ব্যক্তি উপস্থিত থাকে।

লগতে পঢক: স্থান নে মান হেৰুৱাইছে? বিশ্বনাথত কিয় গেৰুৱা দলত যোগদান কৰিছে অগপ-অজাপৰ কৰ্মীয়ে?

উল্লেখযোগ্য যে এই কাৰ্যসূচী সমাপন হোৱাৰ পাছতে নীতি নিয়মেৰে পূজাভাগ অনুষ্ঠিত কৰা হ’ব বুলি মত প্ৰকাশ কৰিছে উদ্যোক্তাসকলে।

তেওঁলোকে লগতে এই পূজাস্থলীৰ পৰা সমগ্ৰ দেশবাসীৰে মংগল কামনা কৰি নেদেখাজনৰ চৰণত সেৱা লৈছে।

ইপেনে, ক’ভিড পৰিস্থিতিৰ বাবে বিভিন্ন সাংস্কৃতিক তথা ৰাজহুৱা ভোজভাতৰ কাৰ্যসূচী বাতিল কৰিছে উদ্যোক্তা সমিতিয়ে।