মেঘালয়ৰ প্ৰথমজন ক’ভিড-১৯ আক্ৰান্ত চিনাক্ত, এজন চিকিৎসক
এজন চিকিৎসক মেঘালয়ৰ প্ৰথম ক’ভিড-১৯ আক্ৰান্তৰূপে সোমবাৰে চিনাক্ত হৈছে।
ৰাজ্যখনৰ স্বাস্থ্য আৰু পৰিয়াল কল্যাণ মন্ত্ৰী এ এল হেকে এই তথ্য সদৰী কৰিছে।
“বেথানি হস্পিটেলৰ এজন চিকিৎসকক কৰ’নাভাইৰাছ পজিটিভ পোৱা গৈছে আৰু তেওঁ মেঘালয়ৰ প্ৰথমজন ক’ভিড-১৯ ৰোগী,” হেকে কয়।
চিকিৎসকজনৰ বয়স ৬৯ বছৰ বুলি জানিব পৰা গৈছে।
স্বাস্থ্য মন্ত্ৰীগৰাকীয়ে জনোৱা মতে ইতিমধ্যে চিকিৎসকজনে কাম কৰা ব্যক্তিগত চিকিৎসালয়খনৰ লগতে সমগ্ৰ অঞ্চলটো ছীল কৰি দিয়া হৈছে।
“কাকো চিকিৎসালয়খনত সোমাবলৈ দিয়া হোৱা নাই। স্বাস্থ্য বিষয়াসকলে প্ৰয়োজনীয় তথ্য আহৰণ কৰি আছে,” তেওঁ কয়।
উত্তৰ-পূবৰ ছিকিমৰ লগতে মেঘালয়তো ইয়াৰ পূৰ্বে কোনো ক’ভিড-১৯ ৰোগী চিনাক্ত হোৱা নাছিল।
ক’ভিড-১৯ ৰোগী চিনাক্ত নোহোৱা ছিকিম হৈ ৰৈছেগৈ এতিয়া উত্তৰ-পূবৰ একমাত্ৰ ৰাজ্য।
দেওবাৰে নাগালেণ্ডৰ প্ৰথমজন ক’ভিড-১৯ পজিটিভ ৰোগী চিনাক্ত হৈছিল।
বৰ্তমান তেওঁক গুৱাহাটী চিকিৎসা মহাবিদ্যালয় আৰু চিকিৎসালয়ত চিকিৎসা কৰি থকা হৈছে।
ডিমাপুৰৰ এখন ব্যক্তিগত চিকিৎসালয়ত তেওঁৰ ক’ভিড-১৯ৰ লক্ষণ পোহৰলৈ আহিছিল।
পিছত তেওঁক গুৱাহাটী চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰা হয়।
জি এম চি এইচত পৰীক্ষাৰ পিছত তেওঁ ক’ভিড-১৯ পজিটিভ বুলি নিশ্চিত হয়।
মণিপুৰৰ প্ৰথমগৰাকী ক’ভিড-১৯ ৰোগী সুস্থ হৈ উঠিছে। চিকিৎসাৰ অন্তত তেওঁক ঘৰলৈ যাবলৈ দিয়া হৈছে।
মণিপুৰত আৰু এজন ক’ভিড-১৯ ৰোগী চিকিৎসাধীন অৱস্থাত আছে।
অৰুণাচল প্ৰদেশ আৰু মিজোৰামত এগৰাকীকৈ আৰু ত্ৰিপুৰাত দুগৰাকী ক’ভিড-১৯ ৰোগী চিকিৎসাধীন হৈ আছে।
অসমত মুঠ ৩০জন ৰোগী চিনাক্ত হৈছে, এজনৰ মৃত্যু ঘটিছে।
অসমৰ চিকিৎসাধীন পাঁচগৰাকী ৰোগীৰ নমুনা নিগেটিভ ওলোৱা বুলি স্বাস্থ্য মন্ত্ৰী হিমন্ত বিশ্ব শৰ্মাই পূৰ্বে উল্লেখ কৰিছিল।
You may also like
“শ্বাৰদ পাৱাৰে ইউপিএৰ নেতৃত্ব ল’ব লাগে” : শিৱসেনাৰ সাংসদ সঞ্জয় ৰাউট
শিৱ সেনাৰ সাংসদ সঞ্জয় ৰাউটে শনিবাৰে কয় যে এনচিপিৰ জ্যেষ্ঠ নেতা শ্বাৰদ পাৱাৰে সংযুক্ত প্ৰগতিশীল মৰ্চাৰ (ইউনাইটেড প্ৰগ্ৰেছিভ এলায়েঞ্চ) অধ্যক্ষৰ পদ গ্ৰহণ…
শাহু-ননদৰ সৈতে চৰম তিক্ত সম্পৰ্ক! শহুৰেকৰ জন্মদিনৰ ফটোৰ পৰা বাদেই দিলে ঐশ্বৰ্যই
কেইবছৰমান ডেটিং কৰাৰ পিছত ২০০৭ চনত অমিতাভ বচ্চনৰ পুত্ৰ অভিষেক বচ্চনৰ সৈতে বিবাহপাশত আবদ্ধ হয় ঐশ্বৰ্য ৰায়ে। ১৫ বছৰতকৈও অধিক সময় ধৰি…
“চাৰ্জিকেল ষ্ট্ৰাইক দেখা নাই কিয়” কংগ্ৰেছ সাংসদৰ বিস্ফোৰণ : “পাকিস্তানলৈ গৈ চাই আহক”, প্ৰত্যুত্তৰ বিজেপিৰ
পেহেলগাম সন্ত্ৰাসবাদী আক্ৰমণৰ পিছত এতিয়া সমগ্ৰ দেশে বিচাৰিছে প্ৰতিশোধ, বিচাৰিছে ভাৰতীয় সৈন্যই উচিত শিক্ষা দিয়ক পাকিস্তানক। ইয়াৰ মাজতে কংগ্ৰেছৰ সাংসদ তথা পঞ্জাৱৰ…
কৃষ্ণাই শালপাৰাৰ ৰাষ্ট্ৰীয় ঘাইপথত ভয়ংকৰ পথ দুৰ্ঘটনাত থিতাতে ৩ জনৰ মৃত্যু
পথ দুৰ্ঘটনাই ক্ৰমাৎ কালৰূপ লৈছে সমগ্ৰ ৰাজ্যখনতে। বিভিন্ন অঞ্চলত নিতৌ সংঘটিত হোৱা পথ দুৰ্ঘটনাৰ ফলত প্ৰাণ হেৰুৱাইছে অজস্ৰজনে। ইয়াৰ মাজতে আজি দিনৰ প্ৰায়…