ভাৰতে প্ৰথমে কাকো আক্ৰমণ নকৰে: সেনা প্ৰধান নাৰাভানে
সেনা প্ৰধান জেনেৰেল এম এম নাৰাভানে শনিবাৰে কয় যে ভাৰতীয় সেনাই দেশৰ সীমাত একপক্ষীয়ভাৱে প্রথমে কোনো বিৰুদ্ধ স্থিতি গ্ৰহণ নকৰে।
সেনা দিৱসৰ কুচকাৱাজত ভাষণ দি জেনেৰেল নাৰাভানে কয়, “আমাৰ বাৰ্তা স্পষ্ট। ভাৰতীয় সেনাই সফল হ’বলৈ দেশৰ সীমাত একপক্ষীয়ভাৱে কঠোৰ স্থিতি গ্ৰহণ কৰাৰ কোনো চেষ্টা নকৰে।
পূব লাডাখৰ ক্ষেত্ৰত চীনৰ সৈতে হোৱা অচলাৱস্থাৰ সন্দৰ্ভত তেওঁ কয়, “যোৱা বছৰটো সেনাৰ বাবে অত্যন্ত প্ৰত্যাহ্বানজনক আছিল। বিভিন্ন স্তৰত যৌথ প্ৰচেষ্টাৰ ফলত বহুতো ক্ষেত্ৰত তেনে প্ৰত্যাহ্বান সমূহ দূৰ কৰিব পৰা গৈছিল। ।
পৰিস্থিতি নিয়ন্ত্ৰণত ৰাখিবলৈ শেহতীয়াকৈ ভাৰত আৰু চীনৰ মাজত চতুৰ্দশ পৰ্যায়ৰ সামৰিক পৰ্যায়ৰ আলোচনা অনুষ্ঠিত কৰা হৈছে বুলি মন্তব্য কৰি তেওঁ কয় যে চীনে এই ক্ষেত্ৰত সদিচ্ছা দেখুৱাব বুলি তেওঁ আশাবাদী।
সশস্ত্ৰ বাহিনীত মহিলাৰ ভূমিকা সন্দৰ্ভত জেনেৰেল নাৰাভানে কয়, মহিলাসকলক সমান সুযোগ দিয়াৰ বাবে সেনাই গুৰুত্বপূৰ্ণ পদক্ষেপ গ্ৰহণ কৰিছে।
“এতিয়া তেওঁলোক সম অধিকাৰ পাব পাৰে আৰু ডাঙৰ দায়িত্ব ল’ব পাৰে। এই বছৰ এন ডি এ (ৰাষ্ট্ৰীয় প্ৰতিৰক্ষা একাডেমী)ত মহিলা কেডেটসকলক অন্তৰ্ভুক্ত কৰা হ’ব আৰু মহিলাসকলেও সেনাৰ পাইলট হিচাপে যোগদান কৰিব পাৰিব,” তেওঁ কয়।