গোবৰ দেখি গৰু চিনি পোৱাৰ নিচিনা : ৰং দেখি পানী চিনি পালে মন্ত্ৰী অশোক সিংহলে

পানীৰ ৰং দেখি পানী ক’ৰ সেয়া চিনি পালে গুৱাহাটী উন্নয়ন দপ্তৰৰ মন্ত্ৰী অশোক সিংহলে। এফালে কৃত্ৰিম বানত ডুবি হাহাকাৰ অৱস্থা মহানগৰবাসীৰ আৰু আনফালে দায়িত্বজ্ঞান নথকা ব্যক্তিৰ দৰে আজৱ মন্তব্য মন্ত্ৰী অশোক সিংহলৰ।

গুৱাহাটীত বৰষুণ দিয়াৰ বাবে নহয়; মেঘালয়ৰ পৰা অহা পানীয়েহে কৃত্ৰিম বান সৃষ্টি কৰিছে গুৱাহাটী মহানগৰীত। এই মন্তব্য কৰি এতিয়া বিতৰ্কত সোমাই পৰিছে মন্ত্ৰী অশোক সিংহল।

মন্ত্ৰী অশোক সিংহলে কয় যে গুৱাহাটীত হোৱা বানপানীৰ ৰং ৰঙা। ৰঙা পানী মেঘালয়ৰ পৰা আহে. গুৱাহাটীৰ পানী ৰং ক’লা। মেঘালয়ৰ পৰা বৈ অহা পানীৰ ফলত হে গুৱাহাটীত বান পৰিস্থিতিৰ সৃষ্টি হৈছে।

ইয়াৰ লগতে গুৱাহাটী মহানগৰীৰ নলা-নৰ্দমাৰ বহন ক্ষমতা সীমিত বুলিও স্বীকাৰ কৰে উন্নয়ন দপ্তৰৰ মন্ত্ৰীগৰাকীয়ে।

তেওঁ কয় যে ডেৰ ঘণ্টাত ১৩৬ মিলিমিটাৰ বৰষুণৰ ফলত হোৱা পানী বহন কৰিবলৈ অক্ষম মহানগৰীৰ নলা-নৰ্দমাসমূহ।