লক্ষ্য উপ নিৰ্বাচন! থাওৰা সমষ্টিত ১৪টাকৈ পথৰ আধাৰশিলা স্থাপন মন্ত্ৰী পিয়ুষ হাজৰিকাৰ

থাওৰা সমষ্টিত দেওবাৰে ১৪টাকৈ পথৰ আধাৰ শিলা স্থাপন কৰে মন্ত্ৰী পিয়ুষ হাজৰিকাই।

থাওৰা সমষ্টিৰ অন্তৰ্গত বকতাৰ আহোম গাঁও পথ, কুতুহাগুৰি পথ,কটীয়া গাঁও পথ,ডিমৌ গুৰি পথ,দেউৰীটিং,ম’হখুটি, ডিমৌৰ ডিমৌ পলিটেকনিক, কলীয়াপানী, মাজাচয়িফ, কেচুমণি, ধ্যান চাৰিআলি, ধুন্দৰমুখ, কছাৰীপথাৰ, বজালীগাঁও পথকে ধৰি মুঠ চৈধ্যটাকৈ আধাৰশিলা স্থাপন কৰে মন্ত্ৰী পিয়ুষ হাজৰিকাই।

থাওৰা সমষ্টিৰ দুগৰাকীকৈ প্ৰাক্তন বিধায়ক আৰু চৰকাৰী লোক নিৰ্মাণ বিভাগৰ বিষয়াৰ উপস্থিতিত নতুনকৈ আৱণ্টিত পথ সমূহৰ নিৰ্মাণৰ আধাৰশিলা স্থাপন কৰে মন্ত্ৰী পিয়ুষ হাজৰিকাই।

এই পথৰ আধাৰশিলা অনুষ্ঠানত মন্ত্ৰী ৰণোজ পেগু, যোগেন মহন, সাংসদ প্ৰদান বৰুৱা আৰু সাংসদ তপন কুমাৰ গগৈও উপস্থিত থাকে।

উল্লেখ্য যে থাওৰা সমষ্টিৰ কংগ্ৰেছ বিধায়ক সুশান্ত বৰগোঁহাইয়ে ইতিমধ্যে বিজেপিত যোগদান কৰিছে আৰু নিয়ম অনুসৰি বিধায়ক পদো ত্যাগ কৰিছে।

ৰাজ্যখনৰ অনুষ্ঠিত হ’বলগীয়া আগন্তুক উপ নিৰ্বাচনৰ প্ৰতি লক্ষ্য ৰাখি বিজেপিয়ে থাওৰা সমষ্টিত নিৰ্বাচনী বৈতৰণী পাৰ হোৱাৰ বাবে কুচ কাৱাজ আৰম্ভ কৰিছে।

এনে এক লক্ষ্য আগত ৰাখিয়েই সমষ্টিটোত জনসাধাৰণক আকৰ্ষিত কৰিবলৈ বিজেপিয়ে উন্নয়নমূলক কামৰ তৎপৰতা আৰম্ভ কৰিছে।

এইদৰে থাওৰা সমষ্টিটো বিজেপিয়ে কংগ্ৰেছৰ পৰা নিজৰ হাতলৈ আনিবলৈ বিভিন্ন ধৰণে তৎপৰ হৈ পৰা দেখা গৈছে।