শিৱসাগৰত ঐক্য সেনাৰ কেন্দ্ৰীয় সাধাৰণ সম্পাদকক চুৰিকাঘাত

বুধবাৰে ৰাতি প্ৰায় ১১ বজাত ৰংঘৰ চাৰিালিত ঐক্য সেনাৰ কেন্দ্ৰীয় সাধাৰণ সম্পাদকক ফৰিদ ইছলাম হাজৰিকাক দুৰ্বৃত্তই চুৰিৰে আঘাত কৰে।

জানিব পৰা মতে ফৰিদ ইছলাম হাজৰিকাই ঘৰৰ সন্মুখত বন্ধুৰ সতে কথা পাতি থকা অৱস্থাত হঠাৎ এজন যুৱক আহি তেওঁক চুৰিৰে আক্ৰমণ চলায়। আনহাতে ফৰিদক বচাবলৈ গৈ আহত হয় তেওঁৰ বন্ধু আবিদুৰ ৰহমানো।

ঘটনা সংঘটিত কৰিয়েই যুৱকজনে পলাবলৈ চেষ্টা কৰে যদিও স্থানীয় ৰাইজে তেওঁক কৰায়ত্ত কৰে। ধৃত যুৱকজনক মতিন আহমেদ বুলি চিনাক্ত কৰা হৈছে।

পিছত স্থানীয় ৰাইজে আক্ৰমণকাৰী মতিন আহমেদক জয়সাগৰ আৰক্ষীক গতাই দিয়ে।

ইফালে কি কাৰণত ফৰিদ ইছলাম হাজৰিকাক তেওঁ চুৰিকাঘাট কৰিলে সেই সম্পৰ্কে বাতৰি লিখা সময়লৈকে জনোৱা নাই মতিন আহমেদে।

ঘটনাৰ লগে লগে ফৰিদ ইছলাম হাজৰিকা আৰু তেওঁৰ বন্ধু দুয়োকে শিৱসাগৰ অসামৰিক চিকিৎসালয়ত ভৰ্তি কৰোৱা হয়। চিকিৎসকে প্ৰাথমিক চিকিৎসাৰ অন্তত দুয়োকে যাবলৈ দিয়ে।

ইফালে উক্ত ঘটনাৰ পিছতেই ঐক্য সেনাৰ প্ৰায় কেইবা শতাধিক সদস্যই জয়সাগৰ আৰক্ষী থানাত উপস্থিত হৈ এক উত্তপ্ত পৰিস্থিতিৰ সৃষ্টি কৰিছিল।