মিজোৰামত ৯৫ বছৰীয়া বৃদ্ধাই এমাহৰ পেঞ্চন দান কৰিলে মুখ্য মন্ত্ৰী সাহায্য পুজিলৈ; নিজেই প্ৰস্তুত কৰিছে মাস্ক

ক’ৰ’না ভাইৰাছৰ সংক্ৰমণৰ সময়ত দেশৰ নাগৰিকে পাৰ্য্যমাণে চৰকাৰলৈ সহায়ৰ হাত আগবঢ়াইছে।

মিজোৰামৰ পি নাহাকলিয়ানি নামৰ এগৰাকী ৯৫ বছৰীয়া বৃদ্ধাই তেওঁৰ এমাহৰ পেঞ্চন মুখ্য মন্ত্ৰী সাহায্য পুজিলৈ অনুদান হিচাপে আগবঢ়ায়।

মিজোমাৰ ৯৫ বছৰীয়া বৃদ্ধা গৰাকীৰ এই মহানুভৱতাই এতিয়া সংবাদ শীৰ্ষ দখল কৰিছে।

আনহাতে, মিজোৰামৰ মুখ্য মন্ত্ৰী সাহায্য পুজিলৈ নিজৰ এমাহৰ পেঞ্চন অনুদান হিচাপে আগবঢ়াই ক্ষান্ত নাথাকি মহিলাগৰাকীয়ে প্ৰতি দিনে ১০-ৰ পৰা ২০ খন মাস্ক নিজেই চিলাই প্ৰস্তুত কৰি দুখীয় জনসাধাৰণলৈ আগবঢ়াই দিয়া।

মিজোৰামৰ মুখ্য মন্ত্ৰী জোৰমাথাংগাই ৯৫ বছৰীয়া মহিলা গৰাকীক কৃতজ্ঞতা জ্ঞাপন কৰাৰ লগতে টুইটাৰত মহিলা গৰকীৰ কথা উল্লেখ কৰি মিজোৰামে তেওঁৰ চেল্যুট জনাইছে বুলি লিখে।

উল্লেখযোগ্য যে, অসমতো মুখ্য মন্ত্ৰী, স্বাস্থ্য মন্ত্ৰীৰ আহ্বান মৰ্মে ৰাজ্যৰ সহস্ৰাধিক লোকে মুখ্য মন্ত্ৰীৰ অসম আৰোগ্য নিধিলৈ সহায়ৰ হাত আগবঢ়াইছে।

বৰ্তমানলৈ অসম চৰকাৰে ৰাজ্যৰ বিভিন্ন লোকৰ পৰা ৯০ কোটিৰো অধিক ধন বৰঙণি হিচাপে লাভ কৰিছি।

ৰাজ্যৰ জনসাধাৰণৰ পৰা লাভ কৰা এই ধনসমূহ ক’ৰ’না চিকিৎসালয় নিৰ্মাণৰ বাবে ব্যৱহাৰ কৰা হ’ব বুলি হিমন্ত বিশ্ব শৰ্মাই জানিবলৈ দিয়ে।