অ-প্রতিৰোধ্য ক’ৰ’না : ৰাজ্যত ৩০০০ অতিক্ৰম ক’ৰ’না আক্ৰান্তৰ সংখ্যা

ৰাজ্যত ৩০৫০ লৈ বৃদ্ধি পালে ক’ৰ’না আক্ৰান্ত ৰোগীৰ সংখ্যা। নিশা একেলগে ১১৩ গৰাকী লোকৰ দেহত ধৰা পৰিছে ক’ভিড-১৯ ৰ উপস্থিতি।

ইয়াৰে ২১ গৰাকী হোজাইৰ, ২০ গৰাকী ওদালগুৰি, ১৭ গৰাকী তিনিচুকীয়া, ১৬ গৰাকী নগাঁও, ১২ গৰাকী বৰপেটা, ৯ গৰাকী গোৱালপাৰা, পাঁচগৰাকী বঙাইগাঁও, চাৰিগৰাকী কামৰূপ মেট্ৰ’ৰ, তিনিগৰাকী ডিব্ৰুগড়, দুগৰাকী যোৰহাট, এগৰাকীকৈ চিৰাং, কৰিমগঞ্জ, বশিষ্ঠ আৰু MMCH ৰ।

মঙলবাৰৰ দিনটোত নিশাৰ ভাগতে ৬৯ গৰাকী লোক আক্ৰান্ত হৈছিল ক’ৰ’নাত।

ইয়াৰে ১৩ গৰাকী কামৰূপ মেট্ৰৰ, ১১ গৰাকী যোৰহাট, ৯ গৰাকী নগাওঁ, পাঁচগৰাকী কৰিমগঞ্জ, ধেমাজিৰ পাঁচগৰাকী, লখিমপুৰ ৪ গৰাকী, ৪ গৰাকী গোলাঘাট, তিনিগৰাকী হাইলাকান্দি, তিনিগৰাকী কামৰূপ গ্ৰাম্য আৰু এগৰাকীকৈ কাছাৰ, দৰং, শোণিতপুৰ, দক্ষিণ শালমৰাৰ আছিল।

বৰ্তমান ১৯৪৫ গৰাকী লোক এই ক’ৰ’না ভাইৰাছত আক্ৰান্ত হৈ চিকিৎসাধীন হৈ থকাৰ বিপৰীতে ১০৯৭ জনক চিকিৎসালয়ৰ পৰা মুক্তি দিয়া হৈছে ৷

এতিয়ালৈ পাঁচগৰাকী লোক মৃত্যু মুখত পৰিছে ৷

টুইটাৰযোগে এই কথা উল্লেখ কৰিছে স্বাস্থ্য মন্ত্ৰী ড০ হিমন্ত বিশ্ব শৰ্মাই।

মঙলবাৰো দিনত ৩৩ গৰাকী লোকৰ দেহত ধৰা পৰিছিল ক’ৰ’না ভাইৰাছৰ উপস্থিতি।

আক্ৰান্ত সকলৰ ১৭ গৰাকী তিনিচুকীয়া, চাৰিগৰাকী যোৰহাট, তিনি গৰাকী বৰপেটা, দুগৰাকী চিৰাং, কাৰ্বিআংলংৰ দুগৰাকী, নগাঁওৰ দুগৰাকী, এগৰাকী বাক্সা, এগৰাকী গোলাঘাট আৰু এগৰাকী মাজুলীৰ আছিল।