ভয়ংকৰ সাগৰীয় ঢৌৱে বুৰাই পেলালে নাও, প্ৰাণ হেৰুৱালে কমেও ১৩০জন যাত্ৰীয়ে, ক’ত?

মধ্যপ্ৰাচ্য আৰু আফ্ৰিকা মহাদেশৰ পৰা যুদ্ধ আৰু দৰিদ্ৰতাৰ বাবে নিস্তাৰ পাবলৈ বছৰ বছৰধৰি ভূমধ্য সাগৰ পাৰ হৈ অজস্ৰ লোকে ইউৰোপৰ বিভিন্ন দেশলৈ প্ৰব্ৰজন কৰি আহিছে।

প্ৰতিদিনাই হোৱা এই প্ৰব্ৰজনক কেন্দ্ৰ কৰি ইতিমধ্যে ইউৰোপত বিভিন্নধৰণে চৰ্চা হৈ আহিছে।

বুধবাৰেও লিবিয়াৰ পৰা প্ৰব্ৰজনকাৰীসকলক লৈ তিনিখন নাও ভূমধ্য সাগৰেৰে যাত্ৰা আৰম্ভ কৰিছিল।

কিন্তু সংঘটিত হয় এক হৃদয়বিদাৰক দুৰ্ঘটনা।

নাওকেইখন পানীত ডুবি যোৱাৰ ফলত মৃত্যু হ’ল কমেও ১৩০জন যাত্ৰী।

ফ্ৰান্সৰ এটা সমাজসেৱী সংগঠন ‘SOS Mediterranee’-য়ে জনাইছে, বুধবাৰে ভূমধ্যসাগৰত তিনিখন নাও বিপদৰ মুখামুখি হয়।

বিপদত পৰাৰ কাৰণ হৈছে সাগৰত হোৱা ৬ ফুট উচ্চতাৰ প্ৰচণ্ড প্ৰচণ্ড ঢৌ।

নাওকেইখন বিপদত পৰাৰ খবৰ পোৱাৰ পাছতে সাগৰত উদ্ধাৰ অভিযান চলায় সংস্থাটোৱে।

কিন্তু উদ্ধাৰ কৰাৰ আগতেই বিপদত পতিত হয় নাওকেইখন।