ব্যতিক্ৰম মাচড’ৰ উদ্যোগত গহনা ডিজাইনাৰ অপৰাজিতা দাস বৰুৱাক সম্বৰ্ধনা

আজি গুৱাহাটী প্ৰেছ ক্লাৱত ব্যতিক্ৰম মাচড’ৰ উদ্যোগত অপৰাজিতা দাস বৰুৱাক সম্বৰ্ধনা জনোৱা হয়।

পৰম্পৰাগত গহনা বিক্ৰী আৰু গহনা ডিজাইন কৰাৰ বাবে অপৰাজিতাক আজি ব্যতিক্ৰমী মাচড’ৰ ফালৰ পৰা সম্বৰ্দ্ধনা জনোৱা হয়। লগতে অপৰাজিতাৰ পিতৃ-মাতৃকো সম্বৰ্ধনা জ্ঞাপন কৰা হয়।

সম্বৰ্দ্ধনা গ্ৰহণ কৰাৰ পাছত অপৰাজিতা দাস বৰুৱাই কয় যে অসমীয়া পৰম্পৰাগত গহনাৰ চাহিদা ৰাষ্ট্ৰীয় আৰু আন্তঃৰাষ্ট্ৰীয় পৰ্য্যায়ত বাঢ়িছে।

তেওঁ লগতে কয় যে  এই সফলতাৰ আঁৰত তেওঁৰ মাতৃ আছে আৰু তেওঁৰ মাতৃৰ পৰা তেওঁ উৎসাহিত হৈছিল।

উল্লেখ্য যে গহণা ডিজাইন কৰা তেওঁৰ সৰু কালৰে পৰা এটা স্বপ্ন আছিল আৰু সেই স্বপ্ন পূৰণৰ বাবে কেন্দ্ৰীয় চৰকাৰৰ অধীনৰ চাকৰিও এৰি দিছিল।

লগতে আজিৰ অনুষ্ঠানতে অপৰাজিতাই তেওঁক সম্বৰ্ধনা জনোৱাৰ বাবে ব্যতিক্ৰম মাচড’ক ধন্যবাদ জ্ঞাপন কৰে।