স্কুল বাছ নে স্কুটি! সাত শিশুক স্কুটিত উঠাই লৈ গৈছিল বিদ্যালয়, হ’ল ৰঙাঘৰৰ আলহী
এখন দুচকীয়া বাহনত একেসময়তে কেইগৰাকী আৰোহীক যাত্ৰা কৰা দেখিছে! দুই-তিনিজন, বা কেতিয়াবা খুব বেছি চাৰিজন! পিছে মুম্বাইৰ এগৰাকী ব্যক্তিয়ে আপোনাৰ এই ধাৰণা পলকতে ভুল প্ৰমাণ কৰি দেখুওৱাইছে।
ব্যক্তিগৰাকীয়ে যেন নিজৰ স্কুটিখনকে পৰোক্ষভাৱে এখন স্কুল বাছ ৰূপেহে ব্যৱহাৰ কৰিছে! খুব বেছি শিশুসহ তিনিগৰাকী যাত্ৰী যাব পৰা স্কুটি এখনত এই ব্যক্তিগৰাকীয়ে নিজৰ লগতে তুলি নিছে সাতগৰাকী শিশু।
এই দু:সাহস কৰা ব্যক্তিগৰাকীৰ নাম মুনাব্বৰ শ্বাহ। শ্বাহে নিজৰ চাৰি সন্তানৰ লগতে চুবুৰীয়াৰ আন তিনি শিশুক স্কুটিত উঠাই লৈ গৈছিল বিদ্যালয়লৈ। এনে বিপদসংকুল কাৰ্য দেখি পথতে এগৰাকী ব্যক্তিয়ে নিজৰ মোবাইলত এই দৃশ্য ৰেকৰ্ডিং কৰে।
এই ৰেকৰ্ডিং ভিডিঅ’টো টুইটাৰত শ্বেয়াৰ কৰি ব্যক্তিগৰাকীয়ে মুম্বাই আৰক্ষীক টেগ কৰে। ভিডিঅ’টোত মুনাব্বৰ শ্বাহে স্কুটিখনত দুটি শিশুক সন্মুখত থিয় কৰাই, তিনিটা শিশুক ছিটত বহাই আৰু আন দুজনক বাহনখনৰ ক্ৰেচ গাৰ্ডত থিয় কৰাই নিয়া দেখিবলৈ পোৱা গৈছে।
ইফালে এই ভিডিঅ’টো ভাইৰেল হোৱাৰ পিছতে তদন্ত আৰম্ভ কৰে মুম্বাই আৰক্ষীয়ে আৰু গ্ৰেপ্তাৰ কৰে মুনাব্বৰক।
Not the ride we support!
This rider had put the life of all pillion riders and others in danger.
A serious offence u/sec 308 IPC for attempt to commit culpable homicide not amounting to murder has been registered against the accused rider. #FollowRules #SetRightExample https://t.co/PKgCY0grhN pic.twitter.com/q2VmoRi8oj
— Mumbai Traffic Police (@MTPHereToHelp) June 25, 2023