নাব্বা WFF ২০১৯: শ্ৰেষ্ঠ পৰিতোষ, ৰিছা; “মিছ শিৱসাগৰ ফিগাৰ” বৰ্ষা সাহা

সপ্তম নাব্বা ডব্লিউ এফ এফ ২০১৯ শৰীৰচৰ্চা আৰু ফিটনেছ প্ৰতিযোগিতাত শ্ৰেষ্ঠত্বৰ খিতাপ লাভ কৰিছে পৰিতোষ ৰয় আৰু ৰিছা শইকীয়াই।

পৰিতোষ ৰয়লৈ নাব্বা ডব্লিউ এফ এফ মিষ্টাৰ শিৱসাগৰ আৰু নাব্বা ডব্লিউ এফ এফ মিছ শিৱসাগৰ খিতাপ ৰিছা শইকীয়ালৈ আগবঢ়োৱা হৈছে।

শনিবাৰে শিৱসাগৰৰ নাট্যমন্দিৰত অনুষ্ঠিত জিলাভিত্তিক প্ৰতিযোগিতাখনত শতাধিক পুৰুষ আৰু মহিলাৰ অংশ গ্ৰহণ কৰে।

প্ৰতিযোগিতাখনত মেন বডি বিল্ডিঙৰ ক্লাছ ৱান শাখাত ৰাহুল হাজৰিকা প্ৰথম আৰু প্ৰবাল বৰা ২য়, ক্লাছ টুত প্ৰবাল প্ৰতীম বৰুৱা প্ৰথম, ক্লাছ থ্ৰীত চাৰীফ আহমেদ প্ৰথম, সুৰেশ গগৈ দ্বিতীয় আৰু দয়াল দে তৃতীয়, ক্লাছ ফ’ৰ শাখাত পৰিতেষ ৰয় প্ৰথম, সৌৰভ গগৈ দ্বিতীয় আৰু প্ৰাণদ্বীপে তৃতীয় স্থান লাভ কৰে।

জুনিয়ৰ বডি বিল্ডিং শাখাত ধ্ৰুৱজ্যোতি চাৰিঙিয়াই জুনিয়ৰ মি. শিৱসাগৰ, দ্বীপজ্যোতি বৰা দ্বিতীয় আৰু বৈভৱ পাঠকে তৃতীয় স্থান লাভ কৰে।

মাষ্টাৰ্ছ শাখাত জীৱন ফুকন প্ৰথম, বিপুল লাখাৰি দ্বিতীয় আৰু লক্ষ্মীনাথ তাঁতী তৃতীয় হয়।

মেন বাৰ্মুদা মডেল টল শাখাত দেৱাশিস বৰা প্ৰথম, প্ৰৱাল প্ৰতীম বৰুৱা দ্বিতীয়, ৰিছিকেশ গৌতম তৃতীয়, মেন বাৰ্মুদা মডেল শ্বৰ্ত শাখাত সৌস্তভ গগৈ প্ৰথম, পল্লৱ বাইলুং দ্বিতীয়, পাৰ্থ গগৈ তৃতীয় হয়।

মেন স্প’ৰ্টছ মডেল শাখাত পাৰ্থ গগৈ প্ৰথম, চন্দন গগৈ দ্বিতীয় আৰু বিশ্বজিৎ শইকীয়া তৃতীয় হয়।

আনহাতে মহিলাৰ ছিনিয়ৰ অ’মেন শাখাত ৰিছা শইকীয়া প্ৰথম, বন্দিতা দাস দ্বিতীয় আৰু বিউটি বৰা তৃতীয়, আজৰা আকিন হাজৰিকা প্ৰথম, বিষ্ণু প্ৰিয়া দত্ত দ্বিতীয় আৰু প্ৰণামিকা বৰাই তৃতীয় স্থান লাভ কৰে।

মাতৃসকলৰ বাবে অনুষ্ঠিত হোৱা মম ফিটনেছ শাখাত ৰূপজ্যোতি সন্দিকৈয়ে আৰু পাল্কী শৰ্মাই প্ৰথম স্থান লাভ কৰে।

অ’মেন স্প’ৰ্টছ মডেল শাখাৰ বৰ্ষা সাহা প্ৰথম, ৰুচ শইকীয়া দ্বিতীয় আৰু বন্দিতা দাস তৃতীয়, গার্লছ এৰ’বিক্স শাখাত আৰ্হিশ্ৰেষ্ঠা দত্তই প্ৰথম, ক্ষতি দৰ্শনা বৰা দ্বিতীয় আৰু টানিস্কা গৌতমে তৃতীয় স্থান লাভ কৰে।

আৰু শিৱসাগৰ ইতিহাসত প্ৰথম বাৰৰ বাবে আয়োজন কৰা অ’মেন বডীবিল্ডিং শাখাত বৰ্ষা সাহাই মিছ শিৱসাগৰ ফিগাৰ সন্মানৰ অধিকাৰী হয়।

শ্ৰেষ্ঠ জিমৰ সন্মান লাভ কৰে ইমপালছ জিম আৰু দ্বিতীয় স্থান লাভ কৰে লিংক্স ফিটনেছ জিমে।

শিৱসাগৰ জিলা উপায়ুক্ত ডাঃ এছ লক্ষ্মণনে উদ্বোধন কৰা নাব্বা ডব্লিউ এফ এফ মিষ্টাৰ এণ্ড মিছ শিৱসাগৰ প্ৰতিযোগিতাত মুখ্য বিচাৰক হিচাপে থাকে জয়ন্ত বেজ। বিচাৰক হিচাপে থাকে ধ্ৰুৱ হাজৰিকা, ৰিদীপ বৰঠাকুৰ, উৎপল শৰ্মা আৰু অখিল শইকীয়া।