এতিয়াহে সময় পালে নৰেন্দ্ৰ মোদীয়ে : হিংসাৰ ডেৰ বছৰৰ পিছত মণিপুৰৰ মুখ্যমন্ত্ৰীক সাক্ষাৎ নৰেন্দ্ৰ মোদীৰ
মণিপুৰত ডেৰ বছৰ ধৰি চলি থকা সাম্প্ৰদায়িক সংঘৰ্ষৰ অন্তত অৱশেষত প্ৰধানমন্ত্ৰী নৰেন্দ্ৰ মোদীয়ে মণিপুৰৰ মুখ্যমন্ত্ৰীক সাক্ষাৎ কৰে।
সোমবাৰে দিল্লীত অনুষ্ঠিত নীতি আয়োগৰ বৈঠকৰ অন্তত প্ৰধানমন্ত্ৰীয়ে বিজেপি শাসিত ৰাজ্যসমূহৰ মুখ্যমন্ত্ৰী আৰু উপ-মুখ্যমন্ত্ৰীসকলৰ সৈতে বৈঠকত মিলিত হয়। সেই বৈঠকৰ অন্তত প্ৰধানমন্ত্ৰীয়ে কিছু ৰাজ্যৰ মুখ্যমন্ত্ৰীক পৃথকে পৃথকে সাক্ষাৎ কৰে।
বিশ মিনিটৰ বাবে মণিপুৰৰ মুখ্যমন্ত্ৰীৰ সৈতে কথা পাতে নৰেন্দ্ৰ মোদীয়ে।
এই বৈঠকত মোদীৰ লগতে প্ৰতিৰক্ষা মন্ত্ৰী ৰাজনাথ সিং আৰু গৃহমন্ত্ৰী অমিত শ্বাহো উপস্থিত থাকে।
অনুমান কৰা হৈছে যে বীৰেন সিঙে ৰাজ্যখনৰ শেহতীয়া পৰিস্থিতিৰ বিষয়ে প্ৰধানমন্ত্ৰীক অৱগত কৰিছে।
কিন্তু আশ্চৰ্যজনকভাৱে প্ৰধানমন্ত্ৰীৰ কার্যালয় আৰু মুখ্যমন্ত্রীৰ কার্যালযয়ে এই বৈঠকৰ বিষয়ে কোনো তথ্য সদৰী কৰা নাই।