আজিয়েই পৃথিৱীৰ কাষেৰে পাৰ হৈ যাব ১৩০ ফুট দৈৰ্ঘ্যৰ গ্ৰহাণু; জনাইছে নাছাই

নাছাৰ চেণ্টাৰ ফৰ নিয়াৰ-আৰ্থ অবজেক্ট ষ্টাডিজ (CNEOS)ৰ দ্বাৰা এই গ্ৰহাণুটোক Asteroid 2007 EG বুলি অভিহিত কৰা হৈছে। আজি ​​৩০ জানুৱাৰীত প্ৰায় ৬১ লাখ কিলোমিটাৰ দূৰত্বত আৰু ঘণ্টাত ৩০,৯২২ কিলোমিটাৰ বেগত পৃথিৱীৰ কাষেৰে পাৰ হৈ যাব বুলি আশা কৰা হৈছে। ইয়াৰ গতি আন্তঃমহাদেশীয় বেলিষ্টিক মিছাইল (ICBM)তকৈও বেছি!

১৯৭৬ চনৰ ৭ জানুৱাৰীত পালোমাৰ নিৰীক্ষণ কেন্দ্ৰত গ্ৰহাণু ২০৬২ এটেন প্ৰথম আৱিষ্কাৰ কৰিছিল আমেৰিকাৰ জ্যোতিৰ্বিজ্ঞানী এলিন’ৰ হেলিনে। আৰু পৃথিৱীৰ ফালে অহা এই গ্ৰহাণুটো আটেন গোটৰে অন্তৰ্গত।

নাছাৰ মতে Asteroid 2007 EG কোনো বিপদজনক গ্ৰহাণু নহয়। প্ৰায় ৭৫ লাখ কিলোমিটাৰ দূৰত্বত পৃথিৱী পাৰ হৈ যোৱা ৪৯২ ফুটতকৈ ডাঙৰ আকাশী বস্তুবোৰহে বিপদজনক। তদুপৰি, আকাৰৰ ক্ষেত্ৰত Asteroid 2007 EG ৰ দৈৰ্ঘ্য প্ৰায় ১৩০ ফুট, প্ৰায় এখন বিমানৰ সমান।

নাছাৰ তথ্য অনুসৰি, ২০০৭ গ্ৰহাণু ই জি এয়াই প্ৰথম নহয়। ইয়াৰ আগতেও ই পৃথিৱীৰ বহুত ওচৰলৈ আহিছিল। ১৯০৮ চনৰ ৩১ জানুৱাৰীত প্ৰথমবাৰৰ বাবে এই গ্ৰহটোৰ ওচৰলৈ আহিছিল। যেতিয়া ই প্ৰায় ৪.২ কোটি কিলোমিটাৰ দূৰত্ব অতিক্ৰম কৰিছিল।

আজিৰ পিছত ২০২৭ চনৰ ১৫ নৱেম্বৰত পুনৰ পৃথিৱীৰ কাষেৰে প্ৰায় ৫.২ কোটি কিলোমিটাৰ বেগত উৰি যাব।