গুৱাহাটী গ্ৰেণেড বিস্ফোৰণৰ তদন্তৰ বাবে আহি আছে NIA-ৰ দল

গুৱাহাটী চেন্ত্ৰেল শ্বপিং মলৰ সমীপত বুধবাৰে নিশা সংঘটিত ভয়ংকৰ গ্ৰেণেড বিস্ফোৰণৰ নিজাববীয়াকৈ তদন্ত কৰিব ৰাষ্ট্ৰীয় তদন্তকাৰী সংস্থা (National Investigation Agency)ই।

আলফা(স্বাঃ)ই দায়িত্ব স্বীকাৰ কৰা উক্ত গ্ৰেণেড বিস্ফোৰণত চি আৰ পি এফ আৰু এচ এচ বিৰ জোৱান সহিতে  ১২জনকৈ লোক গুৰুতৰভাৱে আঘাতপ্ৰাপ্ত হৈছিল। ইয়াৰে তিনিজনৰ অৱস্থা সংকটজনক বুলি জানিব পৰা গৈছে।

আঘাতপ্ৰাপ্ত লোকসকল সম্প্ৰতি গুৱহাটী চিকিৎসা মহাবিদ্যালয় হাস্পতাল, নেমকেয়াৰ হাস্পতালৰ লগতে কেজিএমটি হাস্পতালত চিকিৎসা গ্ৰহণ কৰি আছে।

লগতে পঢ়ক এজনৰ অৱস্থা গুৰুতৰ, আক্ৰান্ত চি আৰ পি এফ জোৱান।।গুৱাহাটী বিস্ফোৰণৰ আপদে’ট।।

উল্লেখ্য যে বুধবাৰে সন্ধিয়া গ্ৰেণেড বিস্ফোৰণ সংঘটিত হোৱা স্থানৰ পৰা কিছু দুৰ নিলগত আৰক্ষীয়ে নিয়মীয়া তালাচী চলাই আছিল। আৰক্ষীৰ তালাচীৰ মাজতে বাইকত অহা অচিনাক্ত দুৰ্বিত্তই গ্ৰেণেড বিস্ফোৰণ সংঘটিত কৰে।

উক্ত ঘটনা সংঘটিত হোৱাৰ পাছতে ঘটনাস্থলত আৰক্ষী সঞ্চালকপ্ৰধানৰ লগতে মহানগৰ আৰক্ষী আয়ুক্ত উপস্থিত হৈ প্ৰাথমিক তদন্ত চলাইছিল।

আনহাতে অসমৰ মুখ্য মন্ত্ৰীয়ে গ্ৰেণেড বিস্ফোৰণৰ ঘটনাক গৰিহনা দিয়াৰ লগতে ইতিমধ্যে সমগ্ৰ ঘটনাৰ তদন্ত ঘোষণা কৰিছে।