২০২৩ বৰ্ষৰ ৰাষ্ট্ৰীয় ক্ৰীড়া বঁটা ঘোষণা: সাত্বিক-চিৰাগ যুটিলৈ মেজৰ ধ্যানচান্দ খেল ৰত্ন বঁটা
আজি কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰালয়ে ৰাষ্ট্ৰীয় ক্ৰীড়া বঁটা ২০২৩ৰ কথা ঘোষণা কৰে। অহা বৰ্ষৰ ৯ জানুৱাৰীত ৰাষ্ট্ৰপতি ভৱনত বঁটাপ্ৰাপকসকলে ভাৰতৰ ৰাষ্ট্ৰপতিৰ পৰা বঁটা গ্ৰহণ কৰিব।
দেশৰ ক্ৰীড়াক্ষেত্ৰৰ সৰ্ব্বোচ্চ সন্মান মেজৰ ধ্যানচান্দ খেলৰত্ন বঁটা এইবাৰ আগবঢ়োৱা হৈছে ভাৰতীয় বেডমিণ্টনৰ তাৰকা যুটি সাত্বিক সাইৰাজ ৰেংকিৰেডী আৰু চিৰাগ শ্বেট্টীলৈ।
শেহতীয়াকৈ বেডমিণ্টন বিশ্বত দুৰন্ত ফৰ্মত থকা সাত্বিক-চিৰাগ যুটীয়ে বেডমিণ্টন ৱৰ্ল্ড ফেডাৰেচনৰ (বি ডব্লিউ এফ) তিনিটা খিতাপ ক্ৰমে, ছুইছ অ’পেন, ইণ্ডোনেছিয়া অ’পেন আৰু কোৰিয়া অ’পেন দখল কৰিছে।
তদুপৰি হাংঝোত অনুষ্ঠিত এছিয়ান গেমছত ইতিহাস ৰচনা কৰি এই যুটীয়ে বেডমিণ্টনৰ ডাবলছত স্বৰ্ণ অৰ্জন কৰাৰ লগতে এপ্ৰিল মাহত এছিয়ান চেম্পিয়নশ্বিপৰ স্বৰ্ণ পদকো লাভ কৰে।
অক্টোবৰ মাহত এই যুটিয়ে ভাৰতীয় বেডমিণ্টনৰ ইতিহাসত বি ডব্লিউ এফ ৰেংকিঙত বিশ্বৰ প্ৰথম স্থান দখল কৰা প্ৰথমটো ডাবলছ যুটি হিচাপে পৰিগণিত হয়।
খেলৰত্ন বঁটাৰ লগতে আন আন শাখাৰ বঁটা বিজয়ী সকলৰ নামো আজি ঘোষণা কৰা হয়। সমিতিৰ পৰামৰ্শৰ ভিত্তিত আৰু যথাযথ নিৰীক্ষণৰ অন্তত চৰকাৰে ক্ৰীড়া বঁটাৰ বাবে মনোনীত কৰাসকলৰ নাম তলত সম্পূৰ্ণকৈ উল্লেখ কৰা হ’ল:
অৰ্জুন বঁটাঃ মহম্মদ ছামি (ক্ৰিকেট), অজয় ৰেড্ডী (দৃষ্টিহীন ক্ৰিকেট) অ’জাস প্ৰবীণ দেওতালে (আৰ্চাৰী), অদিতি গোপিচান্দ স্বামী (আৰ্চাৰী), শীতল দেৱী (পেৰা আৰ্চাৰী), পাৰুল চৌধুৰী আৰু মুৰলী শ্ৰীশংকৰ (এথলেটিকছ), মহম্মদ হুছামুদ্দিন (বক্সিং), আৰ বৈশালি (দবা), দিব্যকৃতি সিং আৰু অনুষ আগৰৱালা (অশ্বাৰোহী), দীক্ষা ডাগৰ (গ’ল্ফ), কৃষণ বাহাদুৰ পাঠক (হকী), সুশীলা চানু (হকী), পিংকি (লন বল), ঐশ্বৰী প্ৰতাপ সিং টোমৰ (শ্বুটিং), এন্টিম পংঘল (মল্লযুঁজ), আয়িকা মুখাৰ্জী (টেবুল টেনিছ), ঈছা সিং (শ্বুটিং), হৰিন্দৰ পাল সিং সান্ধু (স্কোৱাছ), সুনীল কুমাৰ (মল্লযুঁজ), নাওৰেম ৰোশীবিনা দেৱী (উচ্ছু), প্ৰাচী যাদৱ (পাৰা কেন’ইং), পৱন কুমাৰ (কাবাডী), ঋতু নেগী (কাবাডী), নাছৰীন (খো খো)।
দ্ৰোণাচাৰ্য বঁটাঃ গণেশ প্ৰভাকৰন (মল্লখম্ব), মহাবীৰ ছাইনী (পেৰা এথলেটিকছ), ললিত কুমাৰ (মল্লযুঁজ), আৰ বি ৰমেশ (দবা), শিৱেন্দ্ৰ সিং (হকী)।
ধ্যান চান্দ জীৱনযোৰা বঁটাঃ কবিতা (কাবডী), মঞ্জুষা কানৱাৰ (বেডমিণ্টন) বিনীত কুমাৰ শৰ্মা (হকী)।
মৌলানা আবুল কালাম আজাদ (MAKA) বঁটা: গুৰু নানক দেৱ বিশ্ববিদ্যালয়, অমৃতসৰ (বিজয়ী), লাভলী প্ৰফেচনেল ইউনিভাৰ্চিটি, পঞ্জাৱ (১ম ৰানাৰ্ছ আপ), কুৰুক্ষেত্ৰ বিশ্ববিদ্যালয়, কুৰুক্ষেত্ৰ (দ্বিতীয় ৰানাৰ্ছ আপ)
উল্লেখ্য যে, আন্তঃবিশ্ববিদ্যালয় প্ৰতিযোগিতাত সামগ্ৰিকভাৱে শীৰ্ষ প্ৰদৰ্শন কৰা বিশ্ববিদ্যালয়খনক প্ৰদান কৰা হয় এই মৌলানা আবুল কালাম আজাদ (MAKA) বঁটা।
You may also like
কেন্দ্ৰৰ নতুন নিৰ্দেশ! বিবাহৰ আগৰ উপাধি ব্যৱহাৰ বা বিবাহ বিচ্ছেদ; NOC লাগিব স্বামীৰ
বিয়াৰ পিছত বহুসময়ত পত্নীয়ে স্বামীৰ উপাধি ব্যৱহাৰ কৰে। কিন্তু বিবাহ বিচ্ছেদৰ পিছত সেই উপাধিটো ছিন্ন কৰিব বিচাৰিলে মহিলাসকলে সমস্যাৰ সন্মুখীন হ’ব। কিয়নো…
গুৱাহাটীত অসম সাহিত্য সভাৰ প্ৰথম ড০ পৰাগমণি শৰ্মা স্মাৰক বক্তৃতা সম্পন্ন
তেজপুৰ কেন্দ্ৰীয় বিশ্ববিদ্যালয়ৰ প্ৰয়াত সহযোগী অধ্যাপক ড০ পৰাগমণি শৰ্মাৰ সোঁৱৰণত শনিবাৰে অসম সাহিত্য সভাই ‘উত্তৰ-পূব লোক-সংস্কৃতিৰ শিক্ষাৰ বিস্তাৰত শিক্ষানুষ্ঠানৰ ভূমিকা’ শীৰ্ষক এখন…
ফোনত মদ বিচাৰি তিনিটা ট্ৰেঞ্জেকশ্যনত ১.২৫ লাখ টকা হেৰুৱাই মূৰে কপালে হাত দিলে গ্ৰাহকে
অনলাইন সুৰা বিতৰণ সেৱা কিছুমানৰ বাবে আশীৰ্বাদ স্বৰূপ হয় যদিও বহু সময়ত গ্ৰাহক সকল প্ৰতাৰণাৰ বলি হোৱাও দেখা যায়। শেহতীয়াকৈ মুম্বাইৰ এগৰাকী…
বিজেপি সাংসদৰ চৰম উচতনিমূলক মন্তব্য: লগত চোকা অস্ত্ৰ-শস্ত্ৰ ৰাখক, নহ’লে চোকা কৰি ৰাখক ঘৰৰ কটাৰী!
দেশত সাম্প্ৰদায়িক বিদ্বেষ উদ্বেগজনক হাৰত বৃদ্ধি পোৱা পৰিলক্ষিত হৈছে। সাম্প্ৰদায়িকতাৰ এনে উত্থানত শাসনাধিষ্ঠ বিজেপি চৰকাৰে প্ৰত্যক্ষ বা পৰোক্ষভাৱে উদগনি যোগোৱা বুলিও গুৰুতৰ…