প্ৰত্যাৱৰ্তনতে উজলিল নীৰজ: ডায়মণ্ড লীগৰ খিতাপ দখলেৰে ৰচিলে নৱ ইতিহাস
পুনৰ এবাৰ দেশক গৌৰৱান্বিত কৰি তুলিলে অলিম্পিক স্বৰ্ণ জয়ী জেভলিন থ্ৰ’ৱাৰ নীৰজ চোপ্ৰাই। আঘাতৰ পৰা সুস্থ হৈ প্ৰত্যাৱৰ্তন প্ৰতিযোগিতাতে স্ব-মহিমাৰে উজলি উঠি তাৰকা গৰাকীয়ে এক নতুন ইতিহাস ৰচি অৰ্জন কৰিছে লাউচেন ডায়মণ্ড লীগ খিতাপ।
প্ৰথম প্ৰচেষ্টাতে ৮৯.০৮ মিটাৰ থ্ৰ’ৰে ডায়মণ্ড লীগ খিতাপ জয়ৰ পথ মুকলি কৰা নীৰজে এই সাফল্যৰে এক নৱ কৃতিত্ব অৰ্জন কৰিছে। ডায়মণ্ড লীগৰ ইতিহাসত প্ৰথম গৰাকী খিতাপ জয়ী ভাৰতীয় হিচাপে পৰিগণিত হৈছে নীৰজ।
Top finish with 89.08m at Lausanne Diamond League 🔥
He is back and back with a bang!#IndianAthletics@Diamond_League pic.twitter.com/0zTwDpjhyU
— Athletics Federation of India (@afiindia) August 26, 2022
প্ৰায় প্ৰতিদ্বন্দিতা বিহীনভাৱেই নীৰজে এই ঈৰ্ষণীয় সাফল্য অৰ্জন কৰিবলৈ সক্ষম হয়। আন কোনো প্ৰতিযোগীয়েই নীৰজৰ সন্মুখত বিশেষ প্ৰত্যাহ্বানৰ সৃষ্টি কৰিবলৈ সক্ষম নহ’ল। দ্বিতীয় স্থানত থকা চেক গণৰাজ্যৰ জাকুব ভাদলেজচেও ৮৫.৮৮ মিটাৰ থ্ৰ’ কৰি নীৰজতকৈ যথেষ্ট পিছত ৰয়।
NEERAJ IS BACK WITH A BANG!! 💥@Neeraj_chopra1 becomes 1st Indian to win a #DiamondLeague Meet & claim the top spot at #LausanneDL with the best throw of 89.08m
That’s our Star Neeraj for you!!
Well done 👏📸 @matthewquine
1/1 pic.twitter.com/C7PTWs1EIg— SAI Media (@Media_SAI) August 26, 2022
এই খিতাপ জয়েৰে নীৰজে অহা মাহত জুৰিখত অনুষ্ঠিত হ’বলগীয়া ডায়মণ্ড লীগ ফাইনেলৰ লগতে অহা বৰ্ষত বুদাপেষ্ট হাংগেৰীত অনুষ্ঠিত হ’বলগীয়া বিশ্ব চেম্পিয়নশ্বিপৰ বাবেও যোগ্যতা অৰ্জন কৰে।
উল্লেখ্য যে বিশ্ব চেম্পিয়নশ্বিপত ৰূপৰ পদক জয় কৰাৰ পিছত নীৰজ চোপ্ৰা আঘাতৰ বাবে কমনৱেলথ গেমছৰ পৰা বাহিৰ হৈছিল। কিন্তু আঘাতৰ পৰা সুস্থ হৈ নিজৰ প্ৰথমখন প্ৰতিযোগিতাতে খিতাপ জয়েৰে নীৰজে পুনৰ নিজৰ শ্ৰেষ্ঠত্ব প্ৰতিপন্ন কৰে।