World Athletics Championships: বিশ্ব এথলেটিকছ চেম্পিয়নশ্বিপত ৰূপৰ পদকতে সন্তুষ্ট থাকিবলগীয়া হ’ল নীৰজ চোপ্ৰা

Neeraj Chopra wins silver অলিম্পিকত সোণৰ পদক বিজয়ী নীৰজ চোপ্ৰাৰ আন এটা সোণৰ পদক জয়ৰ সপোন আধৰুৱা হৈ ৰ’ল। দেওবাৰে বিশ্ব এথলেটিকছ চেম্পিয়নশ্বিপত অৱশেষত ৰূপৰ পদক জয় কৰি সন্তুষ্ট থাকিবলগীয়া হ’ল নীৰজ চোপ্ৰা।

দেওবাৰে ফাইনেলত নীৰজৰ আৰম্ভণি মুঠেই ভাল নাছিল। প্ৰথমে তেওঁ ফাউল থ্ৰও কৰে। গ্ৰেনাডাৰ এণ্ডাৰছন পিটাৰ্ছে প্ৰথমেই ৯০.২১ মিটাৰ থ্ৰো কৰে। ফলত নীৰজৰ বাবে কামটো কঠিন হৈ পৰে। দ্বিতীয় সুযোগত নীৰজে ৮২. ৩৯ মিটাৰ থ্ৰো কৰে।

টকিঅ’ অলিম্পিকৰ স্বৰ্ণপদক বিজয়ীজনে তৃতীয় সুযোগত দূৰত্ব বৃদ্ধি কৰি ৮৬.৩৭ মিটাৰ থ্ৰো কৰে। ইয়াৰ ফলত তেওঁ চতুৰ্থ স্থানত আছিল।

লগতে পঢ়ক: Monkeypox: বৃদ্ধি পাইছে মাঙ্কিপক্সৰ সংক্ৰমণ; স্বাস্থ্য জৰুৰী অৱস্থা ঘোষণা WHOৰ

নীৰজে তেওঁৰ চতুৰ্থ থ্ৰোত ৮৮.১৩ মিটাৰ দূৰত্বলৈ জেভলিন থ্ৰো কৰে। আৰু তেতিয়াই তেওঁৰ ৰূপৰ পদক নিশ্চিত হয়। তেওঁৰ পঞ্চম থ্ৰো বাতিল হয় যদিও পদক জয়ত বাধা নহ’ল।

নীৰজে যোৱা বছৰ টকিঅ’ অলিম্পিকত স্বৰ্ণ জয় কৰিছিল। বিশ্ব এথলেটিকছ চেম্পিয়নশ্বিপৰ ফাইনেলৰ বাবে পোনপটীয়াকৈ যোগ্যতা অৰ্জন কৰিবলৈ জেভলিন থ্ৰোৰ ৮৩.৫০ মিটাৰ দূৰত্বৰ প্ৰয়োজন আছিল। নীৰজে প্ৰথম থ্ৰোতে ৮৮.৩৯ মিটাৰ দলিয়াই সেই কামটো সম্পন্ন কৰিছিল।

The throw that won #NeerajChopra the silver medal at #WorldChampionship. It's incredible how these guys know the throw is good the moment they release the #javelin. That roar!
This man continues to write history. And he's just 24! pic.twitter.com/dhEj7vDD2G

— Mihir Vasavda (@mihirsv) July 24, 2022

উল্লেখ্য যে অঞ্জু ববি জৰ্জে শেষবাৰৰ বাবে ২০০৩ চনত ভাৰতৰ হৈ বিশ্ব এথলেটিকছ চেম্পিয়নশ্বিপত পদক জিকিছিল। তেওঁ লং জাম্পত দেশখনক ব্ৰঞ্জ আনি দিছিল। সুদীৰ্ঘ ১৯ বছৰৰ পিছত নীৰজৰ সৌজন্যত বিশ্ব এথলেটিকছ চেম্পিয়নশ্বিপৰ পৰা ভাৰতলৈ পদক  আহিল।