চীনৰ পদাংক অনুসৰণ কৰি এইবাৰ নেপালে ক’লে— ‘নাইনিতাল, ডেৰাদুন আমাৰ’

লাডাখকলৈ চীনৰ সৈতে ভাৰতৰ সংঘাতে চূড়ান্ত ৰূপ ধাৰণ কৰাৰ সময়তে ভাৰতৰ ভগ্নী ৰাষ্ট্ৰ হিচাবে পৰিচিত নেপালেও ভাৰতৰ বিৰুদ্ধে ৰঙা চকু দেখুৱাবলৈ আৰম্ভ কৰিছে।

শেহতীয়াকৈ নেপালৰ কমিউনিষ্ট পাৰ্টী আৰু ইউনিফাইড নেপাল নেছনেল ফ্ৰণ্টে আৰম্ভ কৰিছে ‘গ্ৰেটাৰ নেপাল’শীৰ্ষক এক অভিযান।

এই অভিযানৰ অংশ হিচাবে নেপালে ভাৰতৰ উত্তৰাখণ্ড,বিহাৰ,হিমাচল প্ৰদেশ,আৰু ছিকিমৰ বৃহৎ ভূখণ্ড নিজৰ বুলি দাবী কৰিছে।

১৮১৬ চনত ইষ্ট ইণ্ডিয়া কোম্পানী আৰু নেপালৰ তদানীন্তন শাসকৰ মাজত স্বাক্ষৰিত চুগাউলি চুক্তিৰ দোহাই দি নেপালে ভাৰতৰ নাইনিতাল,ডেৰাদুনকে ধৰি বহু অঞ্চল নিজৰ বুলি দাবী কৰিছে।

নেপালৰ চৰকাৰে উক্ত অঞ্চল সমূহ ভাৰতে বলপূৰ্বক দখল কৰি থকা বুলি অভিযোগ কৰিছে আৰু ছ’চিয়েল মিডিয়াত এই সম্পৰ্কত ব্যাপক জনজাগৰণৰ সৃষ্টি কৰাৰ চেষ্টা অব্যাহত ৰাখিছে।

নেপালৰ চৰকাৰে আনকি ২০১৯ চনৰ ৮ এপ্ৰিলৰ দিনা ৰাষ্ট্ৰসংঘৰ মজিয়াতো বিষয়টো উত্থাপন কৰিছিল।

চীনৰ উচটনিতে নেপালে এনেদৰে ভাৰত বিৰোধী স্থিতি গ্ৰহণ কৰা বুলি এতিয়া আলোচনা হৈছে।

অলপতে নেপালৰ প্ৰধানমন্ত্ৰী কে পি শৰ্মা অলিয়ে চীনে দিয়া ৪১.৩৪ কোটি টকা জেনেভাৰ বেংকত জমা কৰাৰ তথ্য ইতিমধ্যে ফাদিল হৈছে।

চীনৰ পৰা ধন লৈয়েই নেপালে ভাৰত বিৰোধী প্ৰচাৰ চলাই গৈছে।