ধৰ্ষণৰ গোচৰত দোষী সাৱ্যস্ত তাৰকা ক্ৰিকেটাৰ সন্দীপ লামিচানেক ৮ বছৰৰ কাৰাদণ্ডৰ শাস্তি

ডেৰ সপ্তাহ পূৰ্বে নেপালৰ প্ৰাক্তন অধিনায়ক সন্দীপ লমিচানেক ধৰ্ষণৰ গোচৰত দোষী সাৱ্যস্ত কৰাৰ পিছত এইবাৰ দেশখনৰ কাঠমাণ্ডু জিলা আদালতে ৮ বছৰৰ কাৰাদণ্ডৰ শাস্তি প্ৰদান কৰিছে। বুধবাৰে তেওঁৰ বিৰুদ্ধে এই ৰায় ঘোষণা কৰা হয়।

একে সময়তে আদালতে তেওঁক তিনি লাখ নেপালী টকা আৰু আৰু দুই লাখ টকা ক্ষতিপূৰণ হিচাপে ভুক্তভোগী ছোৱালীজনীক জৰিমনা আদায় দিবলৈ নিৰ্দেশ দিয়ে।

যোৱা ২৯ ডিচেম্বৰত আদালতৰ বিচাৰপীঠে জনাইছিল যে প্ৰাক্তন ৰাষ্ট্ৰীয় অধিনায়ক লমিচানেক ২৬ বছৰীয়া গুশালা (ছদ্মনাম)ক ধৰ্ষণ কৰাৰ অভিযোগত দোষী সাব্যস্ত কৰা হৈছিল। তেওঁৰ বিৰুদ্ধে ২০২২ চনৰ ২১ আগষ্টত তিলগংগাৰ এখন হোটেলত ভুক্তভোগীক ধৰ্ষণ কৰাৰ অভিযোগ উঠিছিল।

লগতে পঢ়কঃ কাইলৈ প্ৰথম টি-২০: দলত নাথাকিব কোহলী, কি ক’লে দ্ৰাবিড়ে!

ইয়াৰ পূৰ্বে প্ৰথমবাৰ গ্ৰেপ্তাৰৰ পূৰ্বে লামিচানেই আৰক্ষীক সহযোগ কৰিবলৈ সাজু বুলি কৈছিল। আইনী উপায়েৰে বিষয়টো চাব বিচাৰিছিল। একে সময়তে উল্লেখ কৰিছিল যে তেওঁ ষড়যন্ত্ৰৰ বলি হৈছে।

পিছত জামিনত মুক্তি পোৱাৰ পিছত লামিচানে যোৱা বছৰৰ ফেব্ৰুৱাৰী মাহত বিশ্বকাপ লীগ ২ ত্ৰিদেশীয় ছিৰিজত নেপাল ক্ৰিকেট দলৰ হৈ খেলিছিল। কিন্তু বিৰোধী দল নামিবিয়া আৰু স্কটলেণ্ডৰ কোনো ক্ৰিকেটাৰে তেওঁৰ সৈতে হাত মিলোৱা নাছিল। পিছত তেওঁক নেপালে আন এখন ত্ৰিদলীয় ছিৰিজৰ পৰা বাদ দিয়ে। অৱশ্যে ক্ৰিকেটাৰ এজন আঘাতপ্ৰাপ্ত হোৱাত তেওঁক পুনৰ দললৈ অনা হয়।

ইয়াৰ পিছত লামিচানে বিশ্বকাপৰ কোৱালিফাইং মেচখন খেলে। সোঁহতীয়া লেগস্পিনাৰগৰাকীয়ে শেষবাৰৰ বাবে আগষ্ট মাহত দেশৰ হৈ খেলিছিল। সেই সময়ত তেওঁ কেনিয়াৰ বিৰুদ্ধে টী-২০ মেচ খেলিছিল।

লগতে পঢ়কঃ মৰ্মান্তিক! ফিল্ডিং কৰি থকাৰ সময়তে মূৰত বল লাগি মৃত্যু ক্ৰিকেটাৰৰ

উল্লেখ্য যে , ২০২২ চনৰ ৭ ছেপ্টেম্বৰত এই ২৩ বছৰীয়া ক্ৰিকেটাৰগৰাকীৰ বিৰুদ্ধে গ্ৰেপ্তাৰী পৰোৱানা জাৰি কৰা হৈছিল। ইয়াৰ পিছত নেপাল ক্ৰিকেট ব’ৰ্ডে তেওঁক ক্ৰিকেটত নিষেধাজ্ঞা আৰোপ কৰে। কিন্তু পিছত তেওঁক ১৫,৩০০ ডলাৰৰ বিনিময়ত চৰ্তসাপেক্ষ জামিন দিয়া হয় যদিও চূড়ান্ত ৰায়দানৰ পূৰ্বে দেশ এৰি যোৱাত নিষেধাজ্ঞা আৰোপ কৰা হয়। অৱশ্যে পিছত সেই বাধা অতিক্ৰম কৰিও লামিচানে দেশৰ বাহিৰত খেলিছিল।