অসমত ক’ভিড টেষ্টৰ নতুন লেব, মুকলি কৰা হ’ব আৰু ছটা

অসমৰ স্বাস্থ্য মন্ত্ৰী হিমন্ত বিশ্ব শৰ্মাই গুৱাহাটীৰ মহেন্দ্ৰ মোহন চৌধুৰী হস্পিটেলত এটা নতুন ক’ভিড-১৯ পৰীক্ষাগাৰ বুধবাৰে মুকলি কৰে।

ক’ভিড-১৯ পৰীক্ষা কৰিব পৰা এইটো হৈছে অসমত ১৩সংখ্যক পৰীক্ষাগাৰ।

লেবটো মুকলি কৰি স্বাস্থ্য মন্ত্ৰী শৰ্মাই সদৰী কৰা মতে ৰাজ্যত শীঘ্ৰেই আৰু ছটা পৰীক্ষাগাৰ মুকলি কৰা হ’ব।

”মহামাৰীৰ সৰ্বোত্তম ব্যৱস্থাপনাৰ বাবে আমি আমাৰ পৰীক্ষাৰ সক্ষমতা আৰু চিকিৎসা আন্তঃগাঁথনি নিৰন্তৰভাৱে বঢ়াই গৈ আছো,“ শৰ্মাৰ টুইট।

We have been continuously scaling up our testing abilities & improving our medical infra to ensure best management of pandemic.

Inaugurated the new testing lab at MMCH. Pleased to share that it is the 13th #COVID19 testing lab in Assam & 6 more labs shall come soon.#AssamCares pic.twitter.com/OwHG4y47h5

— Himanta Biswa Sarma (@himantabiswa) July 1, 2020

অসমত বিশেষকৈ গুৱাহাটী মহানগৰত শেহতীয়াকৈ ব্যাপক হাৰত ক’ভিড ৰোগী চিনাক্ত হৈছে।

যোৱা ২৪ ঘণ্টাত কেৱল গুৱাহাটীতে ৫০২গৰাকী ক’ভিড ৰোগী চিনাক্ত হৈছে।

অসমত এতিয়ালৈকে ১২গৰাকী লোকৰ ক’ভিডত মৃত্যু হোৱাৰ বিপৰীতে তিনিগৰাকী আন ঠাইলৈ স্থানান্তৰ হৈছে।

অসমত বৰ্তমান সক্ৰিয় ৰোগীৰ সংখ্যা ২৮৮৫ আৰু চিনাক্ত মুঠ আক্ৰান্ত ৮৫৪৭গৰাকী।

এতিয়ালৈকে অসমত ৫৬৪৭গৰাকী ব্যক্তিয়ে ক’ভিডৰ পৰা আৰোগ্য লাভ কৰিছে।