জি এম চি এইসৰ অধীক্ষকৰ দায়িত্বৰ পৰা অব্যাহতি ডাঃ অভিজিত শৰ্মাক : দায়িত্ব গ্ৰহণ কৰিলে ডাঃ দেৱজিৎ চৌধুৰীয়ে
চিকিৎসা শিক্ষা আৰু গৱেষণা বিভাগে জাৰি কৰা এক নিৰ্দেশ অনুসৰি অসম চৰকাৰে ডাঃ অভিজিৎ শৰ্মাক গুৱাহাটী চিকিৎসা মহাবিদ্যালয়ৰ অধীক্ষকৰ দায়িত্বৰ পৰা অব্যাহতি দিছে।
জি এম চি এইচৰ অস্ত্ৰোপচাৰ বিভাগৰ সহযোগী অধ্যাপক হিচাপে কৰ্মৰত ডাঃ শৰ্মাই কেইবামাহো ধৰি জটিল চিকিৎসাধীন হৈ আছে।
জুন মাহত স্বাস্থ্যৰ অৱনতি ঘটাৰ বাবে তেওঁক কলকাতাৰ ৰবীন্দ্ৰনাথ ঠাকুৰ ইণ্টাৰনেশ্যনেল ইনষ্টিটিউট অৱ কাৰ্ডিয়াক ছায়েন্সলৈ স্থানান্তৰ কৰা হয়।
ডাঃ শৰ্মাৰ সকাহৰ পাছত জিএমচিএইচৰ অস্ত্ৰোপচাৰ বিভাগৰ সহযোগী অধ্যাপক ডাঃ দেৱজিৎ চৌধুৰীক জিএমচিএইচৰ অধীক্ষকৰ অতিৰিক্ত দায়িত্ব অৰ্পণ কৰা হৈছে।
ইয়াৰ পূৰ্বে ডাঃ চৌধুৰীয়ে জি এম চি এইচৰ ৰাজ্যিক কৰ্কট প্ৰতিষ্ঠানত অধীক্ষক (ভাৰপ্ৰাপ্ত) হিচাপে কাৰ্যনিৰ্বাহ কৰি আছিল আৰু এতিয়া সেই দায়িত্বৰ পৰা মুক্ত হৈছে।
ইফালে জি এম চি এইচৰ ফাৰ্মাক’লজী বিভাগৰ সহযোগী অধ্যাপক ডাঃ দ্বীপেন খনিকৰক ৰাজ্যিক কৰ্কট প্ৰতিষ্ঠানৰ অধীক্ষক (ভাৰপ্ৰাপ্ত) হিচাপে নিযুক্তি দিয়া হৈছে।