মিজোৰামৰ পটভূমিত লিখা উপন্যাস” বিহংগম দৃষ্টিত মিজোৰাম”ৰ ইংৰাজী সংকলন উন্মোচন

যোৱা ১৩ আগষ্ট তাৰিখে উন্মোচিত হোৱা সাহিত্যিক অভিযন্তা হিচাবে আত্ম প্ৰকাশ কৰা উত্তৰ প্ৰদেশৰ নয়ডাস্থিত উপন্যাসিক তথা লেখক চুমিন্দ্ৰ চৌধুৰীৰ মিজোৰামৰ পটভূমিত লিখা উপন্যাস ” বিহংগম দৃষ্টিত মিজোৰাম”ৰ অভূতপূৰ্ব সাফল্যৰ পাছত আজি ২ অক্টোবৰত নতুন দিল্লীত কিতাপখনৰ ইংৰাজী সংকলন Nghah-Loh-Dawr ৰ আনুষ্ঠানিক উন্মোচন কৰে দিল্লী পুলিচৰ বিশেষ আয়ুক্ত ৰবিন হিবুই।

উত্তৰ পূৰ্বাঞ্চলৰ সকলো ছাত্র ছাত্ৰী আৰু নাগৰিকৰ আশা ভৰষাৰ কেন্দ্ৰ হেল্পিং হেণ্ড নামৰ স্বেচ্ছাসেৱী অনুষ্ঠানটোৰ সভাপতি ভাৰতীয় পুলিচ সেৱাৰ বিষয়া অৰুণাচলৰ সন্তান হিবুৱে এই উপন্যাসখনে উত্তৰ পূৰ্বাঞ্চলৰ অনন্য দৰ্শন আৰু চিন্তাধাৰাৰ সতে বিশ্বক পৰিচিত কৰিবলৈ লোৱা এক বিশেষ পদক্ষেপ বুলি ব্যক্ত কৰে ।

মিজোৰামৰ সামাজিক, ৰাজনৈতিক, শৈক্ষিক আৰু বৌদ্ধিক নিয়মানুৱৰ্তী জীৱনশৈলীৰ ওপৰত লিখা এই কিতাপখনৰ আনুষ্ঠানিক উন্মোচনৰ অনুষ্ঠানৰ দ্বিতীয়খন বৈদ্যুতিক মাধ্যমৰ সভা ( webiner) আয়োজন কৰা হৈছে সন্ধিয়া সাত বজাত।

এই সভাত উপস্থিত থাকিব অধ্যাপক ক আৰ এছ চম্বাচিভা ৰাও, ভাইচেন্সলৰ মিজোৰাম বিশ্ববিদ্যালয়, অধ্যাপক এইচ এছ যাদব সঞ্চালক, নেৰিষ্ট, কুলধৰ শইকীয়া, অৱসৰ প্ৰাপ্ত ডি জি পি আৰু সভাপতি অসম সাহিত্য সভা, অনুৰাধা শৰ্মা পূজাৰী, সম্পাদিকা, সাদিন, ডাঃ সুশীল জৈন, এপলো দিল্লী, জাৰিৰ হুছেইন, জেষ্ঠ সাংবাদিক, বিজয় মিচিহিটো বাট্ৰা, জাপানীজ লেখক, ৰাজেন্দ্ৰ চুটাৰ, মেনেজমেন্ট গুৰু, মালয়েছিয়া, আৰ ৰামৰাজন, মেনেজমেন্ট গুৰু ছিংগাপুৰ, অধ্যাপক ৰাজীব মোহন পন্ট, নেৰিষ্ট, ডঃ শ্যামলী সিনহা, নেৰিষ্ট, আৰু বিশিষ্ট লেখক অভিজ্ঞান অনুৰাগৰ লগতে অন্যান্য বিশিষ্ট সাহিত্যিক, বুৰঞ্জীবিদ, গ্ৰন্থকাৰ, শিক্ষাবিদ আৰু লেখক।