গৌতম আদানীৰ বিৰুদ্ধে নাই উৎকোচৰ অভিযোগঃ আমেৰিকাৰ অভিযোগৰ পাছত আদানী গ্ৰুপৰ স্পষ্টীকৰণ

আদানী গ্ৰুপৰ অধ্যক্ষ গৌতম আদানী, তেওঁৰ ভতিজা সাগৰ আদানী আৰু জ্যেষ্ঠ কাৰ্যবাহী ভনীত জৈনে আমেৰিকাৰ অভিযোগনামাত কোনো ধৰণৰ উৎকোচৰ অভিযোগৰ পৰা মুক্ত বুলি আদানী গ্ৰুপে স্পষ্ট কৰিছে। আদানি গ্ৰুপৰ এটা প্ৰতিষ্ঠান আদানি গ্ৰীনেও এই সন্দৰ্ভত সংবাদ মাধ্যমৰ বাতৰিক “ভুল” বুলি অভিহিত কৰিছে৷

আদানি গ্ৰুপে এক বিবৃতিত কয় যে, ‘আমেৰিকাৰ ডি অ’ জেৰ অভিযোগনামা বা আমেৰিকাৰ এছ ই চিৰ দেৱানী অভিযোগত উল্লেখ কৰা অভিযোগত এফ চি পি এ উলংঘাৰ কোনো অভিযোগ উত্থাপন কৰা হোৱা নাই৷এফচিপিএই আমেৰিকাৰ বিদেশী দুৰ্নীতি প্ৰথা আইনক বুজায়।

ন্যায় বিভাগৰ অভিযোগনামাত পাঁচটা অভিযোগ সন্নিবিষ্ট কৰা হৈছে যদিও প্ৰথম আৰু পঞ্চম গোচৰত – এফচিপিএ উলংঘা কৰাৰ ষড়যন্ত্ৰ আৰু ন্যায়ত বাধাৰ সৃষ্টি কৰাৰ ষড়যন্ত্ৰ – তিনিওজন পৰিচালক গৌতম আদানী, সাগৰ আদানী আৰু ভনীত জৈনৰ কথা উল্লেখ কৰা হোৱা নাই বুলি কোৱা হৈছে।

আদানি গ্ৰুপৰ বিবৃতিত কোৱা হৈছে যে আমেৰিকাৰ অভিযোগনামাৰ বিষয়ে ভুল বুজাবুজিৰ ফলত আদানী গ্ৰুপৰ তিনিওজন পৰিচালকে দুৰ্নীতি আৰু উৎকোচৰ অভিযোগৰ সন্মুখীন হোৱা বুলি উল্লেখ কৰিছে৷

আমেৰিকাৰ অভিযোগনামা কেৱল উৎকোচৰ বিষয়ে আলোচনা কৰা হৈছিল বা প্ৰতিশ্ৰুতি দিয়া হৈছিল বুলি দাবীৰ ওপৰত নিৰ্ভৰশীল। ইয়াত ভাৰত চৰকাৰৰ বিষয়াসকলে আদানী কাৰ্যবাহীৰ পৰা উৎকোচ লাভ কৰাৰ কোনো প্ৰমাণ আগবঢ়োৱা নাছিল বুলি গোটটোৱে প্ৰকাশ কৰে।

পিছত জ্যেষ্ঠ অধিবক্তা মুকুল ৰোহাটগীয়ে সংবাদমেলত কয় যে কাক উৎকোচ দিয়া হৈছে সেই সন্দৰ্ভত অভিযোগনামাত কোনো সবিশেষ নাই৷

আমেৰিকাৰ অভিযোগনামাৰ পাছত আদানি গ্ৰুপৰ ১১টা তালিকাভুক্ত প্ৰতিষ্ঠানৰ বজাৰ মূলধন প্ৰায় ৫৫ বিলিয়ন ডলাৰৰ লোকচান হৈছে।