কৰ্ম সংস্কৃতিৰ নমুনা! তামুলপুৰৰ এটি বিশেষ কাৰ্যালয়ত দিনৰ ১১ বজালৈ অনুপস্থিত বিষয়া-কৰ্মচাৰী

তামুলপুৰ খণ্ড প্ৰাথমিক শিক্ষা খণ্ডৰ কাৰ্যালয়ত দিনৰ ১১ বজালৈ উপস্থিত নাই কোনো বিষয়া-কৰ্মচাৰী।

আজি তামুলপুৰৰ বিধায়ক জলেন দৈমাৰীয়ে আকস্মিকভাৱে পৰিদৰ্শন কৰে  তামুলপুৰ খণ্ড প্ৰাথমিক শিক্ষা বিষয়াৰ কাৰ্যালয়টো।

কাৰ্যালয়ত উপস্থিত হৈ কোনো কৰ্মচাৰী দেখা নাপাই আশ্বৰ্য প্ৰকাশ কৰে বিধায়ক গৰাকীয়ে।

Also Read: শিৱসাগৰত আৱৰ্জনাৰ দ’ম তথা ডাম্পিং গ্ৰাউণ্ড পৰিষ্কাৰ অভিযান অব্যাহত বিধায়ক অখিল গগৈৰ

যি সময়ত অসমৰ মুখ্যমন্ত্ৰী ড° হিমন্ত বিশ্ব শৰ্মা, শিক্ষা মন্ত্ৰী ৰণোজ পেগু আৰু বিটিআৰ প্ৰধান প্ৰমোদ বড়োই অসমৰ শিক্ষাখণ্ডত আমুল পৰিবৰ্তনৰ কথা কৈ  আহিছে তেনে সময়তে প্ৰমোদ বড়োৰ গৃহ সমষ্টি তামুলপুৰ খণ্ড প্ৰাথমিক শিক্ষা বিষয়াৰ কাৰ্যালয়ত দেখা গ’ল ইয়াৰ বিপৰীত ছবি।

এই সকল বিষয়া-কৰ্মচাৰীৰ বিৰুদ্ধে কিবা ব্যৱস্থা ল’ব নে সেয়া লক্ষণীয় হৈ পৰিছে।