বিজেপি শাসিত ওড়িশাত অপহৃত নাবালিকাক দলবদ্ধ ধৰ্ষণ! পলায়ন কৰাৰ সময়ত পুনৰ ট্ৰাক চালকৰ যৌন কামনাৰ বলি

বিজেপি শাসিত ওড়িশাত আন এক ভয়ানক ঘটনা। নাবালিকা ছোৱালীক অপহৰণ কৰি দলবদ্ধ ধৰ্ষণৰ তিনিজন যুৱকৰ বিৰুদ্ধে অভিযোগ উত্থাপন হৈছে । কেৱল সেয়াই নহয়, তাৰ পৰা পলায়ন কৰি থাকোঁতে ছোৱালীগৰাকী পুনৰ ট্ৰাক চালকৰ যৌন কামনাৰ বলি হ’বলগীয়া হ’ল। ইতিমধ্যে আৰক্ষীয়ে গ্ৰেপ্তাৰ কৰিছে চাৰিজন অভিযুক্তক।

আৰক্ষীৰ সূত্ৰ অনুসৰি যোৱা দেওবাৰে নিশা বন্ধুৰ ঘৰৰ পৰা উভতি আহিছিল ১৫ বছৰীয়া নাবালিকাগৰাকী। অভিযোগ অনুসৰি, তিনিজন যুৱকে বাটতে অপহৰণ কৰি ওচৰৰ হাবিত দলবদ্ধ ধৰ্ষণ কৰে। তাৰ পাছত কেনেবাকৈ নাবালকজন তাৰ পৰা পলাই গ’ল। কিন্তু তেনেকৈয়ে শেষ নহ’ল। অভিযোগ অনুসৰি পলায়ন কৰি থকা অৱস্থাত এগৰাকী ট্ৰাক চালকে পুনৰ ধৰ্ষণ কৰে। সূত্ৰ অনুসৰি নাবালিকাগৰাকীক ৰক্তাক্ত অৱস্থাত উদ্ধাৰ কৰি ওচৰৰ চিকিৎসালয়ত ভৰ্তি কৰোৱা হয়। বৰ্তমান তেওঁ তাত চিকিৎসাধীন হৈ আছে। চিকিৎসালয়ৰ সূত্ৰ অনুসৰি তেওঁৰ অৱস্থা বৰ্তমান সুস্থিৰ। নাবালিকাগৰাকী আৰু পৰিয়ালৰ অভিযোগৰ ভিত্তিত আৰক্ষীয়ে তদন্ত আৰম্ভ কৰে। আৰক্ষীৰ সূত্ৰই জনোৱা মতে, ইতিমধ্যে চাৰিজন অভিযুক্তক গ্ৰেপ্তাৰ কৰা হৈছে। ইটোৰ পিছত সিটো ধৰ্ষণৰ ঘটনাৰ পৰিপ্ৰেক্ষিতত ওড়িশাত মহিলাৰ সুৰক্ষাক লৈ প্ৰশ্ন উত্থাপন হোৱাটো স্বাভাৱিকতে।

আৰক্ষী বিষয়া বিনোদ পাটিলে কয়, “নাবালিকাগৰাকী বন্ধুৰ ঘৰৰ পৰা উভতি আহিছিল। বাটত তিনিজন যুৱকে অপহৰণ কৰি হাবিলৈ লৈ গৈ ধৰ্ষণ কৰে। কোনোমতে পলায়ন কৰিবলৈ সক্ষম হয়, কিন্তু পিছত নাবালকজন ট্ৰাক চালকৰ যৌন কামনাৰ বলি হয়। চাৰিওজন অভিযুক্তক গ্ৰেপ্তাৰ কৰা হৈছে।”