দীপাৱলীৰ প্ৰাক্‌-ক্ষণত ৰাজস্থানত শোকাবহ পথ দুৰ্ঘটনা! ১২ জন লোক নিহত,আহত ১০জনৰো অধিক

দীপাৱলীৰ প্ৰাক্‌-ক্ষণত ৰাজস্থানত শোকাবহ পথ দুৰ্ঘটনা!আৰক্ষীয়ে জনোৱা মতে, মঙলবাৰে বিয়লি ৰাজস্থানৰ ছিকাৰত এখন বাছে কালভাৰ্টৰ সৈতে খুন্দা মৰাৰ ফলত কমেও ১২ জন লোকৰ মৃত্যু হয়, আৰু কেইবাজনো লোক আহত হয়।

ছালাছাৰৰ পৰা আহি থকা বাছখনে ছিকাৰ জিলাৰ লক্ষ্মনগড়ত উপস্থিত হোৱাৰ লগে লগে কালভাৰ্টৰ সৈতে মুখামুখি সংঘৰ্ষত লিপ্ত হয়।

আহতসকলক চিকিৎসাৰ বাবে লক্ষ্মনগড়ৰ চৰকাৰী কল্যাণ চিকিৎসালয়ত ভৰ্তি কৰোৱা হৈছে বুলি আৰক্ষীয়ে লগতে জনায়।

চিকিৎসালয়খনৰ অধীক্ষক মহেন্দ্ৰ খিচাড়ে কয় যে, “এতিয়ালৈকে ১২ জন লোকৰ মৃত্যু হোৱা বুলি নিশ্চিত কৰা হৈছে।”