দুলীয়াজানত জীৱ শ্ৰেষ্ঠৰ নৃশংসতাৰ বলি নাহৰফুটুকী: কাটি নিলে নখ, ভৰি
ডিব্ৰুগড় জিলাত আজি পুনৰ জীৱ শ্ৰেষ্ঠৰ নৃশংসতাৰ বলি হ’ল এটা নাহৰফুটুকী বাঘ। জিলাখনৰ দুলীয়াজানৰ ভাদৈ পাঁচ আলি আৰক্ষী চকীৰ অন্তৰ্গত শান্তি চাহ বাগিচাত এটা নাহৰফুটুকী বাঘ নিধন কৰে একাংশ লোকে।
উল্লেখযোগ্য যে এই শান্তি চাহ বাগিচাখনত দীৰ্ঘদিন ধৰি সন্ত্ৰাস সৃষ্টি কৰি আহিছিল নাহৰফুটুকী বাঘটোৱে। ফলত আজি বাগিচাখনৰ একাংশ উদণ্ড শ্ৰমিকে নাহৰফুটুকীটো নিধন কৰে। উদণ্ড শ্ৰমিক সকলে নাহৰফুটুকীটো নিধন কৰাতে ক্ষান্ত নাথাকি বাঘটোৰ নেজ, ভৰি আদি অংগ কাটি লৈ যায়।
আনহাতে এই ঘটনাৰ বিষয়ে অৱগত হৈ ডিগবৈ বন সংমণ্ডলৰ অধীনস্থ চৰাইপুং বনাঞ্চলিক কাৰ্যালয়ৰ বন কৰ্মীয়ে মৃত বাঘটো উদ্ধাৰ কৰি লৈ যায়।
ইফালে একাংশ প্ৰকৃতিপ্ৰেমীয়ে নাহৰফুটুকী নিধন ঘটনাত গভীৰ উদ্বেগ প্ৰকাশ কৰাৰ লগতে বনবিভাগক এনে ঘটনা ৰোধ কৰাৰ বাবে দাবী জনাইছে।
You may also like
শ্ৰীমন্ত শংকৰ একাডেমিত বাংগালুৰুৰ ছাইৰেনা টেকন’লজিজৰ ৰবট প্ৰদৰ্শনী
ভাৰতত থলুৱাভাৱে নিৰ্মিত ৰবট সম্পৰ্কে চাক্ষুস অভিজ্ঞতা লাভ কৰাৰ বিৰল সুযোগ লাভ কৰিলে শ্ৰীমন্ত শংকৰ একাডেমীৰ শিক্ষাৰ্থীসকলে। সমগ্ৰ উত্তৰ-পূৰ্বাঞ্চলত প্ৰথমবাৰৰ বাবে একমাত্ৰ…
কাজিৰঙা ৰাষ্ট্ৰীয় উদ্যানত বিশ্ব গঁড় দিৱস পালন
কাজিৰঙা ৰাষ্ট্ৰীয় উদ্যান কৰ্তৃপক্ষৰ উদ্যোগত বিভিন্ন দল সংগঠনৰ সহযোগত দেওবাৰে দিনজোৰা কাৰ্যসূচীৰে বিশ্ব গঁড় দিৱস পালন কৰে। এই উপলক্ষে পুৱা ৬ বজাত…
ক’ৰ’ণাৰ পৰা আৰোগ্য লাভ কৰা সকলে বাধ্যতামূলকভাবে কৰিব লাগিব যক্ষ্মাৰ পৰীক্ষা, কোনে দিলে এই নিৰ্দেশ
ক’ৰ’ণা ভাইৰাছে দেশত কালান্তক ৰূপ ধাৰণ কৰিছে। দেশত ৫৬ লাখৰো অধিক লোক এই মাৰাত্মক ভাইৰাছ বিধত আক্ৰান্ত হৈছে। এনে সময়তে ক’ৰ’ণাৰ হাত…
TikTok নহয় এইবাৰ TipTeapi! অসমৰ তিনি যুৱ প্ৰতিভাৰ অভিনৱ প্ৰয়াস
অসমৰ তিনিগৰাকী যুৱ প্ৰতিভাই বিশ্ব প্ৰসিদ্ধ চীনা টিকটক এপ’ৰ প্ৰত্যুত্তৰত প্ৰস্তুত কৰি উলিয়াইছে এটি নতুন এপ টিপ টিপাই (TipTeapi)। TipTeapi প্ৰস্তুত কৰি…