বানপানীত অসহায় প্ৰাণীকুল; বিশ্বনাথত জীৱন্ত খটীয়া পহুৰ সৈতে এজন লোকক আটক
বানপানীৰ প্ৰকোপৰ বাবে অসহায় হৈ ওখ ঠাইৰ সন্ধানত বনাঞ্চলৰ পৰা ওলাই অহা খটীয়া পহু চিকাৰ কৰি আজি বিশ্বনাথত বন বিভাগৰ হাতত আব্দুল আলি নামৰ এজন লোক আটক হয়।
বিশ্বনাথ ঘাটৰ ভোলাকটা চাপৰিৰ বুঢ়ী গংগা নলাত বন বিভাগৰ দলে বিশেষ সূত্ৰৰ পৰা লাভ কৰা খবৰৰ ভিত্তিত অভিযান চলাই জীৱন্ত পহুটোৰ সৈতে আটক কৰে আব্দুল আলি নামৰ লোকজনক।
জানিব পৰা মতে, ব্ৰহ্মপুত্ৰ নদীত বানপানীত উটি অহা খৰি ধৰিবলৈ গৈ খটীয়া পহুটিক ধৰি নাওঁত খৰিৰ মাজত লুকুৱাই আনিছিল ধৃত আব্দুল আলিয়ে।
এই সন্দৰ্ভত তথ্য লাভ কৰি আজি ৰাতিপুৱা প্ৰায় ১১.৪৫ বজাত চেন্ট্ৰেল ৰেঞ্জৰ বিষয়া ইকবাল হুছেইনে সু পৰিকল্পনাৰে বন বিভাগৰ কৰ্মীক লগত লৈ অভিযান চলাই জীৱন্ত পহুটোৰ সৈতে আটক কৰিবলৈ সক্ষম হয় আব্দুল আলিক।
ইতিমধ্যে , বনবিভাগৰ দলে আব্দুল আলিৰ ওপৰত আইনী ব্যৱস্থা লোৱাৰ লগতে অনাগত সময়ত এনেধৰণৰ চোৰাং চিকাৰ ৰোধ কৰাৰ ক্ষেত্ৰত যিকোনো পৰিস্থিতিত বন বিভাগৰ দল সষ্টম হৈ আছে বুলি জানিবলৈ দিয়ে চেন্ট্ৰেল ৰেঞ্জৰ ৰেঞ্জ অফিচাৰ ইকবাল হুছেইনে ।
You may also like
গণ আক্ৰমণৰ বলি দেৱাশীষ গগৈৰ হত্যাৰ সৈতে জড়িত আৰু দুজনক গ্ৰেপ্তাৰ আৰক্ষীৰ
মৰিয়নিত গণ আক্ৰমণৰ বলি দেৱাশীষ গগৈৰ হত্যাকাণ্ডৰ সৈতে জড়িত আৰু দুজন লোকক যোৱা দুদিনত আৰক্ষীয়ে গ্ৰেপ্তাৰ কৰিছে। এই ঘটনাত আৰক্ষীয়ে এতিয়ালৈকে মুঠতে…
আবিৰৰ ৰঙেৰে একাকাৰ কোকৰাঝাৰৰ আকাশ-বতাহ
সমগ্ৰ দেশ তথা ৰাজ্যৰ ভিন্ন প্ৰান্তৰ লগতে কোকৰাঝাৰ জিলাতো ৰঙৰ উৎসৱ ফাঁকুৱা বা হোলী উপলক্ষে ব্যাপক উৎসাহ উদ্দীপনা দেখা গৈছে। জিলাখনৰ প্ৰতিটো…
ধৰ্ষণকাৰীৰ “এনকাউণ্টাৰ”ক উদযাপন কৰাটো দেশৰ বাবে ভয়ংকৰ ইংগিত আখ্যা সচেতন নাগৰিকৰ
হাইদৰাবাদৰ ধৰ্ষণ কাণ্ডৰ অভিযুক্তক গুলীয়াই হত্যা কৰা ঘটনাটো দেশৰ বিভিন্ন প্ৰান্তত উদযাপন কৰাটোক এটা ভয়ংকৰ ইংগিত হিচাপে চিহ্নিত কৰিছে দেশৰ সচেতন নাগৰিকে।…
‘কা’ বাতিল আৰু অখিল গগৈৰ মুক্তিৰ দাবীত টীয়কত অসমপ্ৰেমী যুৱ ছাত্ৰ সমাজৰ প্ৰতিবাদ
অসমপ্ৰেমী যুৱ ছাত্ৰ সমাজৰ টীয়ক আঞ্চলিক সমিতিৰ উদ্যোগত টীয়ক আৰক্ষী থানাৰ সমীপত বিভিন্ন দাবীৰে আজি এক উত্তাল প্ৰতিবাদ সাব্যস্ত কৰে। মূলতঃ নাগৰিকত্ব…