লিটল ফ্লাৱাৰ বিদ্যালয়ৰ চৌহদত এগৰাকী যুৱতীৰ ৰহস্যজনক মৃত্যু
পুনৰবাৰ বিতৰ্কত সোমাই পৰিছে মহানগৰীৰ হাতীগাঁওস্থিত লিটল ফ্লাৱাৰ স্কুল।
বিদ্যালয়ৰ চৌহদত এগৰাকী যুৱতীৰ ৰহস্যজনকভাৱে মৃত্যু হৈছে।
বিদ্যালয়খনৰ চৌহদৰ পুখুৰীত উদ্ধাৰ হৈছে যুৱতীৰ মৃতদেহ।
যুৱতীগৰাকীৰ নাম ৰূপালী মুছাহাৰী (২০)। বিদ্যালয়খনৰ চতুৰ্থ বৰ্গৰ কৰ্মচাৰী হিচাপে কৰ্মৰত আছিল যুৱতীগৰাকী।
যুৱতী গৰাকীৰ ঘৰ শোণিতপুৰ জিলাৰ মিছামাৰী আৰু পিতৃৰ নাম গান্ধী মুছাহাৰী।
বিদ্যালয় চৌহদত থকা গাহৰি ফাৰ্মত খাদ্য যোগান ধৰিবলৈ যোৱাৰ সময়ত পুখুৰীত পৰি মৃত্যু হোৱা বুলি সন্দেহ।
আজি পুৱাৰ ভাগত পুখুৰীত যুৱতীগৰাকীৰ চেণ্ডেল আৰু গাহৰিক দানা খুওৱা পাত্ৰ প্ৰত্যক্ষ কৰি বিদ্যালয়খনৰ অধ্যক্ষই খবৰ দিয়ে হাতীগাঁও আৰক্ষীক।
তাৰ পাছত ঘটনাস্থলীত আৰক্ষী আৰু NDRF বাহিনী উপস্থিত হৈ যুৱতীগৰাকীৰ মৃতদেহ উদ্ধাৰ কৰে।
ইতিমধ্যে, মৃতদেহটো মৰণোত্তৰ পৰীক্ষা কৰিবলৈ GMCH লৈ প্ৰেৰণ কৰা হৈছে।
ঘটনা সন্দৰ্ভত হাতীগাঁও আৰক্ষীয়ে ইতিমধ্যে তদন্ত আৰম্ভ কৰিছে।
ইপিনে, এই বাতৰি সংগ্ৰহ কৰিবলৈ যোৱা সাংবাদিকক বিদ্যালয়ৰ চৌহদত প্ৰৱেশ কৰাত বাধা আৰোপ কৰে বিদ্যালয়ৰ কতৃপক্ষই। যাৰ পৰিপ্ৰেক্ষিতত এতিয়া সমগ্ৰ ঘটনা ৰহস্যৰ আৱৰ্তত সোমাই পৰিছে।
তাৎপৰ্যপূৰ্ণভাৱে সমগ্ৰ ঘটনা সন্দৰ্ভত সাংবাদিকে বিদ্যালয়খনৰ অধ্যক্ষক এই বিষয়ে সোধাত কেমেৰাৰ সন্মুখৰ পৰা পলায়ন কৰা পৰিলক্ষিত হয়।
এয়া প্ৰকৃততে হত্যা নে দুৰ্ঘটনা সেয়া আৰক্ষীৰ তদন্তৰ পাছতহে পোহৰলৈ আহিব।
You may also like
আলফাৰ অন্তিম সময়সীমা উকলিবলৈ মাজত মাত্ৰ কেইটামান দিন: আজিও সন্ধান নাই কুইপ’ৰ অপহৃত বিষয়াৰ
যোৱা ডিচেম্বৰ ২১ তাৰিখে আলফা(স্বা) আৰু এন এছ চি এনৰ দ্বাৰা অপহৰণ হোৱা শিৱসাগৰ নগৰৰ এছ টি চি সমীপৰ হাবিৰাম বৰা পথৰ…
নাও ডুবিলেও টিঙৰ পৰা নানামে ছোনিয়াই, হৈয়েই থাকিব কংগ্ৰেছৰ সভানেত্ৰী
নাও ডুবিলেও টিঙৰ পৰা নামবিলৈ বিচৰা নাই কংগ্ৰেছৰ অন্তৰ্ৱতীকালীন সভানেত্ৰী ছোনিয়া গান্ধীয়ে। কালি পাঁচ ৰাজ্যৰ নিৰ্বাচনী ব্যৰ্থতাৰ পৰ্যালোচনা কৰিবলৈ নতুন দিল্লীত আয়োজন…
কাইলৈ ঘোষণা কৰা হ’ব লোকসভা নিৰ্বাচনৰ দিন
শনিবাৰে বিয়লি ৩ বজাত ঘোষণা কৰা হ’ব আগন্তুক লোকসভা নিৰ্বাচনৰ তাৰিখ। এক বিবৃতি যোগে এই কথা সদৰী কৰিছে ভাৰতৰ নিৰ্বাচন আয়োগে। বিবৃতিটোত…
মাত্ৰ ৩৬ দিনৰ কাৰ্যকাল! ২০২৭ চনত প্ৰথমগৰাকী মহিলা মুখ্য ন্যায়াধীশ পাব ভাৰতে
বুধবাৰে দেশৰ ৫২ সংখ্যক মুখ্য ন্যায়াধীশ হিচাপে শপত গ্ৰহণ কৰে ন্যায়াধীশ বি আৰ গাভাইয়ে।২০২৫ বৰ্ষৰ ২৩ নৱেম্বৰত কাৰ্যকাল অন্ত পৰিব ন্যায়াধীশ গাভাইৰ।…