শিহৰণকাৰী দুৰ্ঘটনা; ট্ৰাকৰ খুন্দাত প্ৰাণ গ’ল পথচাৰীৰ
প্রতিনিধিত্বমূলক ফটো
আজি পুৱাই বোকাখাতৰ মেথনিত এক শোকাবহ পথ দুৰ্ঘটনা সংঘটিত হয়। ৩৭ নং ৰাষ্ট্ৰীয় পথত সংঘৰ্টিত এই পথ দুৰ্ঘটনাত এখন মালবাহী ট্ৰাকে মহতিয়াই নিয়ে এজন পথচাৰীক।
এ এছ ০৫ / চি ১৭৬৮ নম্বৰৰ মালবাহী ট্ৰাকখনৰ খুন্দাত ঘটনাস্থলতে নিহত হোৱা লোকজন লক্ষীৰাম ঘাটোৱাল বুলি চিনাক্ত কৰা হৈছে।
গুৱাহাটিৰ পৰা যোৰহাট দিশে আহি থকা ট্ৰাকখনে নিয়ন্ত্ৰন হেৰুৱাই দুৰ্ঘটনাটো সংঘটিত কৰে। ট্ৰাকৰ খুন্দা ইমানেই তীব্ৰতৰ আছিল যে ৰাষ্ট্ৰীয় পথতে চিন্ন ভিন্ন হৈ চিটিকি পৰে নিহত লক্ষীৰাম ঘাটোৱালৰ দেহ।
পুৱাতেই মদ পান কৰি গাড়ী চলোৱাৰ বাবেই এই শোকাবহ ঘটনাটো সংঘটিত হোৱা বুলি স্বীকাৰ কৰিছে ট্ৰাকখনৰ হেণ্ডিমেন জনে।
স্থানীয় লোকে ট্ৰাকৰ চলক আৰু হেণ্ডিমেনক কৰায়ত্ব কৰি আৰক্ষীৰ হাতত চমজাই দিয়ে।
ইফালে দুৰ্ঘটনাটো সংঘটিত কৰিয়েই পথৰ ট্ৰাকখন ওপৰত বাগৰি পৰে।