পঞ্চায়ত নিৰ্বাচন : বোকাখাতৰ ২২টা ভােট গ্রহণ কেন্দ্ৰত থাকিব মহিলা প্ৰিজাইডিং বিষয়া

অহা বুধবাৰ অৰ্থাৎ ৫ ডিচেম্বৰত ৰাজ্যত হ’ব লগীয়া প্রথম পৰ্যায়ৰ পঞ্চায়ত নির্বাচনৰ ভােট গ্ৰহণৰ বাবে সাজু হৈছে বােকাখাত মহকুমা প্রশাসন। ইতিমধ্যে বিভিন্ন ৰাজনৈতিক দলৰ প্ৰতিনিধি, নিৰ্বাচনত নিযুক্ত প্ৰিজাইডিং বিষয়া, পুলিং বিষয়াৰ লগতে জ’নেল আৰু চেক্টৰ বিষয়াসকলৰ সৈতে মহকুমাটোৰ নিৰ্বাচনী পৰ্যবেক্ষক লীনা দাসে গুৰুত্বপূৰ্ণ আলোচনাত মিলিত হয়।

জানিব পৰা মতে বােকাখাত মহকুমাৰ অন্তৰ্গত মুঠ ২০৩ টা ভােট গ্রহণ কেন্দ্ৰৰ বাবে ২২৩ গৰাকী প্রিজাইডিং বিষয়া নিযুক্তি দিয়া হৈছে। ইয়াৰে ২২ টা ভােট গ্রহণ কেন্দ্ৰত প্রিজাইডিং বিষয়া হিচাপে মহিলা কর্মচাৰী নিযুক্তি দিয়া হৈছে ।

উল্লেখযােগ্য যে, বােকাখাত মহকুমা প্রশাসনে পঞ্চায়ত নিবার্চনত মহিলা সৱলীকৰণৰ নিদর্শন হিচাপে ৫৪ নং নামদৈয়াং ভােট গ্রহণ কেন্দ্র আৰু ৬২ নং পূৱ দ-গাঁও প্রাথমিক বিদ্যালয় ভােট গ্রহণ কেন্দ্ৰৰ সকলােবােৰ বিষয় তদাৰক কৰিবৰ বাবে পুলিং আৰু প্রিজাইডিং বিষয়া তথা সুৰক্ষা কৰ্মীৰ উপৰিও আন সকলাে পৰ্যায়ৰ দায়িত্বত কেৱল মহিলা কর্মচাৰী নিযুক্তি দিছে।

ইয়াৰ উপৰি মহকুমাটোৰ ২০৩ টা ভােট গ্রহণ কেন্দ্রত চতুর্থ পুলিং বিষয়া হিচাপে নিয়ােগ কৰা হৈছে কেৱল মহিলা কর্মচাৰী।

বােকাখাত মহকুমা প্রশাসনে পঞ্চায়ত নির্বাচনৰ বাবে লােৱা এই পদক্ষেপে সকলাে মহিলা কর্মচাৰীকে যথেষ্ট পৰিমানে উৎসাহিত কৰিব বুলি এক বিভাগীয় প্ৰেছ বিবৃতিত প্ৰকাশ কৰিছে ৷