অস্কাৰত দক্ষিণ কোৰিয়াৰ ‘পেৰাইছাইট’ৰ ধুমুহা

অস্কাৰ ২০২০ত এইবাৰ দক্ষিণ কোৰিয়াৰ ছবিয়ে এক প্ৰকাৰ ধুমুহাৰ সৃষ্টি কৰে। প্ৰথমবাৰৰ বাবে দক্ষিণ কোৰিয়াৰ চলচ্চিত্ৰই অস্কাৰত নিজৰ নাম লিপিবদ্ধ কৰিলে।

চলচ্চিত্ৰখনৰ নাম ‘পেৰাছাইট’। এনেয়েই বাতৰিৰ শিৰোণামাত থকা ছবিখনে অস্কাৰলৈ মনোনীত হোৱাৰ পাছত বিজয়ী হোৱাত কিছু বাধা আছিল।

পেৰাছাইটৰ বাবে প্ৰত্যাহ্বান হৈ ধৰা দিছিল’১৯১৭’ শীৰ্ষক ছবিখনে। আৰম্ভণিতে পেৰাছাইটক কিছু পাছ পৰি থকাও দেখা গৈছিল।

কিন্তু সময় যোৱাৰ লগে লগে দক্ষিণ কোৰিয়াৰ ছবিখনে ইতিহাস ৰচাৰ পথত আগবাঢ়ি গৈছিল।

পেৰাছাইটে ৪টা অস্কাৰ বঁটা নিজৰ নামত দখল কৰে। চলচ্চিত্ৰখনে শ্ৰেষ্ঠ মৌলিক চিত্ৰনাট্য, শ্ৰেষ্ঠ চলচ্চিত্ৰ,শ্ৰেষ্ঠ পৰিচালক আৰু শ্ৰেষ্ঠ আন্তৰ্জাতিক কাহিনী শাখাত অস্কাৰ বঁটা অৰ্জন কৰে।

শ্ৰেষ্ঠ মৌলিক চিত্ৰনাট্যৰ বাবে বঁটাটো পৰিচালক বোং জুন হোৱে গ্ৰহণ কৰে। পেৰাছাইটৰ কাহিনী আৰু চিত্ৰনাট্যৰ কৃতিত্ব বোং জুন হোৰে প্ৰাপ্য। শ্ৰেষ্ঠ পৰিচালকৰ বঁটা গ্ৰহণ কৰাৰ সময়ত হোক অতি উৎফুল্লিত দেখা গৈছিল।

পেৰাছাইটৰ কাহিনী অতি সংবেদনশীল আৰু মৰ্মস্পৰ্শী। চলচ্চিত্ৰখনত ধনী আৰু দুখীয়া অন্তৰালৰ কাহিনীক সাৱলীল ৰূপত তুলি ধৰা হৈছে।

উল্লেখ্য যে বিদেশী মূলৰ ভাষাৰ চলচ্চিত্ৰই অস্কাৰত কেতিয়াও অধিক সাফল্য লাভ কৰা দেখা নাযায়।

পেৰাছাইট হৈছে এনেদৰে অস্কাৰত অসাধাৰণ সাফল্য লাভ কৰা প্ৰথমখন এছিয়াৰ চলচ্চিত্ৰ।