অসমত আৱদ্ধ মণিপুৰৰ ৰোগীৰ ঘুৰি যোৱাত সহায় কৰিবলৈ মুখ্য মন্ত্ৰী বীৰেন সিঙলৈ আহ্বান

মণিপুৰৰ পৰা অসমলৈ চিকিৎসাৰ বাবে অহা প্ৰায় ৫০জন ৰোগী কাছাৰ জিলাৰ ধুলুত আৱদ্ধ হৈ আছে।

হাড়ৰ চিকিৎসাৰ বাবে ধুলুত থকা এখন ক্লিনিকলৈ তেওঁলোক আহিছিল।

আৱদ্ধ হৈ থকা ৰোগীসকলে এক বাৰ্তা প্ৰেৰণ কৰি মণিপুৰৰ মুখ্য মন্ত্ৰী এন বীৰেন সিঙক ঘৰলৈ ঘুৰি যোৱাত সহায় কৰিবলৈ আহ্বান জনাইছে।

ঘটনাটো সন্দৰ্ভত খাংগাবকৰ এছ শ্যাম নামৰ এজন ব্যক্তিয়ে জানিবলৈ দিয়ে যে ৰোগী আৰু তেওঁলোকৰ সহযোগীকে ধৰি ধুলুত আৱদ্ধ হৈ থকা প্ৰায় ৪৮জন লোকে মণিপুৰলৈ ঘুৰি যোৱাৰ বাবে যোৱা ২৩ মাৰ্চত টিকট বুক কৰিছিল।

কিন্তু  COVID-19কলৈ সতৰ্কতাৰ বাবে হঠাতে ঘোষণা কৰা লকডাউনৰ বাবে তেওঁলোকে সেই স্থান এৰিবলৈ সক্ষম নহ’ল।

আৱদ্ধ হৈ পৰা ৰোগী আৰু তেওঁলোকৰ সহযোগীসকলো মুখ্য মন্ত্ৰীগৰাকীক তেওঁলোকৰ ঘৰমুৱা যাত্ৰাত সহায় কৰিবলৈ আহ্বান জনাইছে কিয়নো তেওঁলোকৰ হাতত ধনৰ নাটনি হোৱাৰ লগতে জীয়াই থকাৰ বাবে দৈনিক খাদ্য আদি সমস্যাৰো সন্মুখীন হৈছে।