বৃহৎ সকাহ! প্ৰতিলিটাৰ পেট্ৰ’লৰ দাম ২৫ টকাকৈ হ্ৰাস, ক’ত?

ইন্ধনৰ মূল্যবৃদ্ধিয়ে কোঙা কৰা দেশৰ সকলো ৰাজ্যৰ মাজৰে এখন ৰাজ্যত জনতাক বৃহৎ সকাহ দি ৰাজ্য খনৰ চৰকাৰে ঘোষণা কৰিছে যে প্ৰতিলিটাৰ পেট্ৰ’লৰ দাম ২৫ টকাকৈ হ্ৰাস কৰা হ’ব।

সাধাৰণ জনতাক সকাহ দিয়া এই ৰাজ্য খন হৈছে ঝাৰখণ্ড।

ঝাৰখণ্ডৰ মুখ্যমন্ত্ৰী হেমন্ত ছোৰেনে প্ৰতিলিটাৰ পেট্ৰ’লৰ মূল্য ২৫ টকাকৈ হ্ৰাস কৰাৰ কথা ঘোষণা কৰি কয় যে জনতাক সকাহ দিয়াৰ বাবেই এনে ব্যৱস্থা গ্ৰহণ কৰা হৈছে।

অৱশ্যে এই সুবিধা কেৱল দুচকীয়া বাহনৰ গৰাকীসকলৰ বাবেহে মুকলি থাকিব বুলি ছোৰেণে মন্তব্য কৰে।

২৬ জানুৱাৰীৰ গণৰাজ্য দিৱসৰ পৰাই ঝাৰখণ্ডত পেট্ৰ’লৰ মূল্য প্ৰতি লিটাৰত ২৫ টকাকৈ হ্ৰাস কৰা হ’ব।

আজি ঝাৰখণ্ডত পেট্ৰ’লৰ দাম প্ৰতি লিটাৰত ৯৮.০৬ টকা হৈছে।

চলিত বৰ্ষৰ নৱেম্বৰ মাহত কেন্দ্ৰীয় চৰকাৰে পেট্ৰ’ল আৰু ডিজেলৰ আবকাৰী শুল্ক প্ৰতি লিটাৰত ৫ আৰু ১০ টকাকৈ হ্ৰাস কৰিছিল।

ফলত ইন্ধনৰ দাম কিছু কমিছিল যদিও দামে এতিয়াও মানুহক কোঙা কৰিয়েই আছে।