নিজ দেশক প্ৰতিনিধিত্ব কৰাতকৈ আই পি এলত খেলাটো কঠিন : মুথিয়া মুৰুলিধৰণ

ভাৰতীয় টেষ্ট দলৰ নিয়মীয়া স্পীনাৰ ৰবিচন্দ্ৰন আশ্বিনৰ সৈতে হোৱা এটা সাক্ষাৎকাৰত শ্ৰীলংকাৰ স্পীনাৰ মুথিয়া মুৰুলিধৰণে নিজ দেশৰ হৈ খেলাতকৈ আই পি এলত খেলা বেছি কঠিন বুলি মত প্ৰকাশ কৰে।

”দেশৰ হৈ খেলোতে  আমি আত্মবিশ্বাসী যে আমি বল লাভ কৰিমে আৰু খেলিব পাম কিন্তু আই পি এলত তুমি কিমান ভাল নকৰা কিন্তু তুমি দলৰ বাবে বাহিৰতে বহিবলগীয়া হ’বও পাৰে,” মুৰুলিধৰণে এইদৰে কয়।

উল্লেখযোগ্য যে, আই পি এলত দুয়োগৰাকী খেলুৱৈয়ে নিজ নিজ দলৰ হৈ গুৰুত্বপূৰ্ণ ভূমিকা পালন কৰি আহিছে।

ৰবিচন্দ্ৰন আশ্বিন এইবাৰ দিল্লী কেপিটেলছৰ সৈতে নতুনকৈ চুক্তিবদ্ধ হৈছে।

ক’ৰ’না মহামাৰীৰ সংক্ৰমণৰ বাবে ২০২০ বৰ্ষৰ আই পি এল ভাৰত ভূমিৰ পৰিৱৰ্তে য়ু এ ইত অনুষ্ঠিত হ’ব।

ইতিমধ্যে, চেন্নাই চুপাৰ কিংছ, ৰাজস্থান ৰোয়েলছ, মুম্বাই ইণ্ডিয়ানছ, কলকাতা নাইট ৰাইডাৰ্চকে ধৰি ভালেকেইটা দল য়ু এ ইত উপস্থিত হৈছে।

দ্বিদেশীয় শৃংখলাৰ কাৰণে ইংলেণ্ড আৰু অষ্ট্ৰেলিয়াৰ খেলুৱৈ সকলে আই পি এলৰ প্ৰথম কেইটাদিনৰ খেলত অংশগ্ৰহণ কৰিব নোৱাৰিব।