বিটিচি নিৰ্বাচনৰ প্ৰথম পৰ্যায়ৰ ভোটগ্ৰহণ আৰম্ভ

বহু প্ৰতীক্ষিত বিটিচি নিৰ্বাচনৰ প্ৰথম পৰ্যায়ৰ ভোটগ্ৰহণ আজি পুৱা ৭ বজাৰ পৰা আৰম্ভ হয়।

ওদালগুৰি আৰু বাকছা জিলাত আজি পুৱাৰে পৰা হাজাৰ হাজাৰ লোকে ভোটগ্ৰহণ কেন্দ্ৰৰ বাহিৰত ভোটদানৰ বাবে শাৰী পাতে।

শীতকো নেওঁচি বহু বয়োজ্যেষ্ঠ ভোটাৰেও ভোটদানৰ বাবে ওলাই অহাৰ কথাই বহুতৰে দৃষ্টি আকৰ্ষণ কৰিবলৈ সক্ষম হৈছে।

প্ৰায় ৭ লাখ ভোটাৰে আজি বহু প্ৰাৰ্থীৰ ভাগ্য নিৰ্ধাৰণ কৰিব।

ইউপিপিএলৰ সভাপতি প্ৰমোদ বড়োই আজি পুৱা বাকছাৰ গইমাৰী সমষ্টিত এখন ট্ৰেক্টৰত উঠি উপস্থিত হয় আৰু নিজৰ ভোটাধিকাৰ সাৱস্ত্য কৰে।

উল্লেখ্য বিটিচি নিৰ্বাচনত ইউপিপিএলৰ নিৰ্বাচনী প্ৰতীক হৈছে ট্ৰেক্টৰ।

প্ৰথম পৰ্যায়ৰ নিৰ্বাচনত ওদালগুৰিৰ ১০ টা আৰু বাকছাৰ ১১ টা সমষ্টি বিভিন্ন দলৰ ১৩০ গৰাকী প্ৰাৰ্থীয়ে প্ৰতিদ্বন্দ্বিতা আগবঢ়াইছে।

বিটিচিৰ ২১ খন আসনৰ বাবে আজি প্ৰথম পৰ্যায়ৰ ভোটগ্ৰহণ অনুষ্ঠিত কৰা হৈছে।

এতিয়ালৈকে কোনো ঠাইৰ পৰা কোনো অপ্ৰীতিকৰ ঘটনাৰ খবৰ অহা নাই।