চানৰ মিউজিক ভিডিঅ’ত অভিনয়েৰে জনপ্ৰিয়তা আৰ্জিছে অসমৰ সুনীতাই, চাওক ||Video||
বলিউদি গায়ক চানৰ ‘ইছি ক’ প্যাৰ কেহতে হেঁ’ শীৰ্ষক এটি মিউজিক ভিদিঅ’ত অভিনয়েৰে জনপ্ৰিয়তা আৰ্জিছে অসমৰ অভিনেত্ৰী সুনীতা কৌশিকে।
জি মিউজিক কাম্পেনিয়ে মুকলি কৰা ভিদিঅ’টোৱে ইতিমধ্যে ইউটিউবত ১৩৩হাজাৰ দৰ্শকৰ সীমা অতিক্ৰম কৰিছে।
ভিডিঅ’টোৰ দৃশ্যগ্ৰহণ হৈছে চুবুৰীয়া অৰুণাচল প্ৰদেশৰ ভালুকপং আৰু তিপিৰ মনোৰম ল’কে’চনত।
২০০৭চনত পূৰ্বে এবাৰ ‘গজল’ শৈলীত চানৰ গানটোৱে মুক্তি লাভ কৰিছিল। কিন্তু এতিয়া নতুন প্ৰজন্মৰ ন সোৱাদৰ অৰ্থে বোলে নতুন মিউজিকেৰে গীতটো মুকলি কৰা হৈছে।
জানিব পৰা মতে অসমলৈ অনুষ্ঠান পৰিৱেশনৰ বাবে আহোঁতে যোৱা বছৰৰ অক্তোবৰত বলিউদ গায়কগৰাকীয়ে ভিডিঅ’টো শ্বুট কৰিছিল।
সুনীতাই পূৰ্বে তাইমছ মিউজিক পৰিৱেশিত অংগৰাগ মহন্তৰ হিন্দী গীত ‘পাখি পাখি ম’ৰা মন’ত অভিনয় কৰিছিল।
জানিব পৰা মতে মহন্তৰ যোগেদিয়ে সুনীতাই চানৰ গীতটিত অভিনয়ৰ সুযোগ লাভ কৰিছিল।
অভিনেত্ৰী সুনীতা কথক নৃত্যৰো শিল্পী।